Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Исвечдә апарылан археоложи газынтылар заманы ЫХ әсрә аид гадын мәзарындан тапылмыш үзүк Скандинавиjа вә Ислам дүнjасы арасында jахын әлагәләрин олдуғуну сүбут едир.
1800-ҹү илләрин сонларында “Бирка” ады илә танынан викинг тиҹарәт мәркәзиндә апарылмыш газынтылар заманы ҝүмүш үзүк тапылмышды. Үзәриндә әрәб һәрфләри илә “Аллаһ үчүн” вә jа “Аллаһа” jазылан үзүjүн тиҹарәт малы олараг сатылдығы вә бөлҝәjә бу jолла ҝәтирилдиjи зәнн едилир.
Скандинавиjа вә Јахын Шәрг реҝиону арасында ән еркән тиҹарәт әлагәләри 3400 ил әввәлә ҝедиб чыхыр. Әсасән Мисир вә Месопотамиjадан ҝәтирилән екзотик мәһсулларла тиҹарәт едилдиjи ҝүман едилир.
Ислам дүнjасы вә Искадинав дүнjасы арасындакы тиҹарәт шәбәкәсинә даир археоложи тапынтылар, бу әлагә тәхминән 1000 ил әввәлә тәсадүф едир. Бөлҝәдәки тапынтылар бу фикри тәсдигләсә дә, jүксәк бир тиҹарәтин ҝөстәриҹиси ола биләҹәк гәдәр чох деjил. Еjни заманда бунлар надир раст ҝәлинән тапынтылар һесаб олунур.
Тәдгигатчылар үзүк һаггында бир нечә деталы да аjдынлашдыра билибләр. Үзүjүн ҝүмүш ҝөвдәсиндә һеч бир ашынма изинә раст ҝәлинмәмәси, бирләшдирмәләрин сон дәрәҹә инҹә вә усталыгла апарылмасыны тәһлил едән арашдырмачылар һесаб едирләр ки, бу үзүк Әрәб бир зәрҝәр тәрәфиндән һазырланмыш вә тәк бир парча тиҹарәт мәһсулу олараг Скандинавиjаjа jолланыб.
Диггәт: Хәбәрдән истифадә етдикдә мәнбәjә истинад лазымдыр
17 mart 2015 - 02:30
Xəbər kodu: 677300
Исвечдә апарылан археоложи газынтылар заманы ЫХ әсрә аид гадын мәзарындан тапылмыш үзүк Скандинавиjа вә Ислам дүнjасы арасында jахын әлагәләрин олдуғуну сүбут едир.
