Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сомали полиси вә тәһлүкәсизлик гүввәләри пајтахт Могадишода террор актынын һәјата кечирилмәси хәбәрләрини тәсдигләјибләр.
Могадишу полиси билдириб ки, бомба тәлүкәсизлик бахымындан јухары сәвијјәдә олан Һотелин машын паркында партлајыб.
Билдирәк ки, гејд олунан Һотел Сомалинин јухары рүтбәли мәсул шәхсләри вә тиҹарәт адамларынын диггәт јетирдикәри мәкандыр.
Сомали тәһлүкәсизлик гүввәләринин билдирдијинә ҝөрә, һадисә заманы бир нәфәр һәлак олмуш бир нәфәр исә, бәдән хәсарәти алараг јараланмышдыр.
Могадишо полис әмәкдашлары актла бағлы тәгсирли билинән бир нәфәри һәбс едибләр.
Гејд едәк ки, һотелә олунан һүҹумда илк нөвбә Әл Гаидә бејнәлхалг террор тәшкилатынын Сомали ганады олан Әл Шәбаб террор тәкилаты тәгсирли билинир. Белә ки, гејд олунан террор тәшкилаты өнҹәләр дә, Сомалидә бир нечә дәфә һотелләрдә охшар террор һадисәләри төрәдибләр. Феврал ајынын 20-дә Могадишодакы диҝәр бир Һотелдә төрәдилән террор һадисәсиндә 20 ҝүнаһсыз вәтәндаш һәлак олмушдур.
Әл Шәбаб террор груплашмасы демәк олар ки, сон ајлар бејнәлхалг грумлар тәрәфиндән дәстәкләнән Мәркәзи Дөвләтә зәрбә ендирмәк мәгсәди илә, бир нечә охшар террор әмәлијјатлары төрәдиб.
Хатырладаг ки, Әл Шәбаб террор груплашмасы әсасән Һотелләрә, Бејнәлхалг Һава Лиманларына, Президент Сарајына вә с. мәркәзләрдә террор актлары төрәдир.
Диггәт: Хәбәрдән истифадә етдикдә мәнбәјә истинад лазымдыр
