Аjәтуллаһ Сеjид Әһмәд Хатәми: Америка етимад едиләси деjил

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Теһранын ҹүмә намазы хәтиби Аемрика вә мүттәфигләринин һеч вахт етимад едиләси олмадыгларыны вә бунун дәфәләрлә сүбута jетирилдиjини билдириб.
Теһранын ҹүмә намазы хәтиби Аjәтуллаһ Сеjид Әһмәд Хатәми ҝәлән һәфтә базар ҝүнү башлаjаҹаг нүвә мүзакирәләри барәдә деjиб: Мүзакирәләрин бу туруна гәдәр гәти шәкилдә Иран халгы һәгиги галибдир. Белә ки, Американын әһдә садиг галмаjан вә һиjләҝәр симасыны дүнjаjа ҝөстәрә билди.
Иранла мүзакирә апаран тәрәфләрин һиjләҝәрлиjинә даир Ислам Ингилабынын Бөjүк Рәһбәринин, Хөбрәган Мәҹлиси үзвләри илә ҝөрүшдәки бәjанатыны хатырладан Аjәтуллаһ Хатәми әлавә едиб: Онлар мүзакирәләр сона чатдығы һалда да, мүхтәлиф бәһанәләрлә Ислам Ингилабы илә мүхалифәт едәҹәкләр. Чүнки, Ислам Республикасынын гурулушунун әсасы илә проблемләри вардыр.
Теһранын ҹүмә намазы хәтиби билдириб: Һиjләҝәрлик Америка рәсмиләринин вүҹудунда ҝизләнмишдир вә Иран халгы Америка вә мүттәфигләринин сүлһсевәр вә етимад едиләси олмадыгларыны сүбут етди.
Теһранын ҹүмә намазы хәтибинин сөзләринә ҝөрә, Иранын 5+1 Групу илә мүзакирәләри Иран Ислам Республикасынын баниси Һәзрәт Имам Хомеjнинин Американын һеч вахт етимад едиләси олмамасына даир сөзләрини бир даһа сүбут етмиш олду.
Теһранын ҹүмә намазынын хәтиби Аjәтуллаһ Сеjид Әһмәд Хатәми һәмчинин, Ираг ордусунун Сәлаһәддин вилаjәтиндә ИШИД террор груплашмасы илә мүбаризәдәки сон гәләбәләринә тохунараг үмидварлыг едиб ки, Ираг ордусу вә халг гүввәләринин гәләбәләри ИШИД-ин там мәһвинә гәдәр давам едәҹәк.
Иранын бүтүн дүнjа өлкәләри о ҹүмләдән Ирагын әрази бүтөвлүjүнү рәсмән таныдығыны вурғулаjан Теһранын ҹүмә намазы хәтиби әлавә едиб: Ислами Иран террорчу груплашмаларла мүбаризәдә Ираг дөвләти вә халгы илә бирликдә олмуш вә олаҹагдыр вә бу өлкәнин гүввәләринә мәсләһәт jардымы едир.
"Ислами Иран террорчуларла мүбаризә истигамәтиндә залым дөвләтләрин Ирага зәррә гәдәр көмәк етмәдикләри заман һәрби мәсләһәт вә диҝәр саһәләрдә меjдана дахил олду вә Ирага көмәк етди" -деjә Аjәтуллаһ Әһмәд Хатәми билдириб.
Диггәт: Хәбәрдән истифадә етдикдә мәнбәjә истинад лазымдыр