Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мјанма Бирлији Республикасында Мүсәлманлара јер верилмир. Өлкәдә Ислам вә Мүсәлманлара гаршы хас бир ијрәнҹ сијасәтләр һәлә дә давам едир. Белә ки, Мјанма дөвләти Руһинга халгыны (бүтөв бир халгы) Мүсәлман әгидәсини дашыдыглары үчүн вәтәндашлыгдан мәһрум едиб вә өлкәдә буддистләрин Мүсәлманлара гаршы артыг үч ил давам едән ҹинајәтләринә ҝөз јумур.
Мәлуматымыза ҝөрә, ики ҝүн өнҹә Мјанмада Мүсәлманлара гаршы нөвбәти ҹинајәт һадисәси төрәдилиб. Мүсәлманлары күтләви гырғынлара мәруз гојараг евләрини јандырыб, әмлакларыны әлләриндән алараг, гоншу өлкәләрә көч етмәјә мәҹбур едән буддистләр артыг тәшкилатланмыш формада јени ҹинајәт актлары төрәтмәјә башлајыблар.
Буддистләр өнҹәдән чәкилмиш планлар әсасында өлкәдә галан Мүсәлманларын јашајыш мәнзилләринә һуҹум чәкирләр.
Јерли мәнбәләрин билдирдијинә ҝөрә, өлкә һакимијјәти тәрәфиндән там дәстәк алан буддист террочу груплашмалры һәр һәфтә Мүсәлманларын јашадыглары евләрә, кәндләрә басгын едәрәк, јерли тәһлүкәсизлик гүввәләринин көмәклији илә, истәдикләри Мүсәлманлары јахалајараг намәлум истигамәтләрә апарыб вәһшиҹәсинә онлары гәтлә јетирирләр.
Гејд олунан буддист террор груплашмасынын өзбашналығы о һәддә чатыб ки, Мүсәлман аиләләри етираз етдикләри сүрәтдә буддистләр тәрәфиндән гадын, ушаг вә јахуд гоҹа олдуғуна бахмадан өләнә кими дәјәнәк илә дөјүләрәк, дашгалаг олунурлар.
Бунунла кифајәтләнмәјән буддистләр вәһһаби вәһшиләри тәкин Мүсәлманларын намусларына да тәҹавүз едирләр.
Бу ҹинајәтләрин давамы олараг, 8 Март 2015 тарихдә буддистләр Мүсәлман бир аиләнин бүтүн үзвләрини Мјанма полисинин ҝөзү өнүндә вәһшиҹәсинә дөјәрәк Шәһид едибләр.
Гејд едәк ки, 2012-ҹи илин илк ајларындан бу ҝүнә кими Мјанма Мүсәлманларына гарш олунан ҹинајәт гурбанлары һаггда әлдә дәгиг статистика мөвҹуд дејил. Лакин гејри рәсми мәлуматлара ҝөрә, 1000-дән артыг Мүсәлман дөвләт органлары вә буддистләр тәрәфиндән сојгырыма мәруз галараг күтләви бастырылыб, 300,000-дән артыг инсан исә өз јурд-јуваларындан дидәрҝин салынараг гачгын һәјаты сүрмәјә вадар олунуб вә 40 мин Мүсәлман фәалы рәсми дөвләт грумлары тәрәфиндән мүхтәлиф бәһанәләр илә, һәбс едиләрәк зинданлара салыныб...
Хатырладаг ки, Мјанмада тәгрибән 2 милјон 500 миндән артыг Мүсәлман јашајыр. Онлар әсасән өлкәнин гәрбиндә мәскунлашыблар.
Мјанманын Милли Бирлик Тәшкилатынын мәлуматына ҝөрә, тәкҹә 2012-ҹи илин мај ајында Мјанманын гәрбиндә ҝедән тоггушмаларда вә евләрин јандырылмасы нәтиҹәсиндә 100 миндән артыг Мүсәлман евсиз-ешиксиз галыб.
2012 ҹи илдә Иран Ислам Республикасынын Хариҹи Ишләр Назирлијинин сөзчүсү Мјанма һадисәләринә реаксија олараг, Мјанма һөкумәтинин, бејнәлхалг даирәләрин вә Ислам Әмәкдашлыглары Тәшкилатынын дәрһал ҹидди тәдбирләр ҝөрмәләрини истәјиб.
Ислам Әмәкдашлығы Тәшкилатынын баш катиби Әкмәләддин Еһсаноғлу 2013-ҹү илдә дејиб: Өтән 30 илдә Руһинга Мүсәлманлары Мјанмада инсан һагларынын кобуд формада позулмасы, ирги тәмизләмә, сојгырымы, тәҹавүз вә мәҹбури мүһаҹирәт кими ҹидди проблемләрлә үз-үзәдир.
Диггәт: Хәбәрдән истифадә етдикдә мәнбәјә истинад лазымдыр
Узаг Асија Һадисәләри
Сурија вә Ирагда сәләфиләр Мјанмада исә буддистләр тәрәфиндән Мүсәлман сојгырымы давам едир
10 mart 2015 - 11:38
Xəbər kodu: 675866
Буддист террор груплашмасынын өзбашналығы о һәддә чатыб ки, Мүсәлман аиләләри етираз етдикләри сүрәтдә буддистләр тәрәфиндән гадын, ушаг вә јахуд гоҹа олдуғуна бахмадан өләнә кими дәјәнәк илә дөјүләрәк, дашгалаг олунурлар. Бунунла кифајәтләнмәјән буддистләр вәһһаби вәһшиләри тәкин Мүсәлманларын намусларына да тәҹавүз едирләр. Бу ҹинајәтләрин давамы олараг, 8 Март 2015 тарихдә буддистләр Мүсәлман бир аиләнин бүтүн үзвләрини Мјанма полисинин ҝөзү өнүндә вәһшиҹәсинә дөјәрәк Шәһид едибләр.
