"Иран халгы өз нүвә һүгугундан ваз кечмәjәҹәк"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Теһранын ҹүмә намазынын хәтиби деjиб: Иран халгы гәрбин артыгтамаһлығы гаршысында өз сүлһмәрамлы нүвә һүгугундан ҝери чәкилмәjәҹәк
Теһранын бу һәфтәки ҹүмә намазынын хәтиби Һөҹҹәтүлислам вәлмүслимин Казым Сиддиги 5+1 Групуна үзв өлкәләрин Америка башда олмагла мүзакирәләри узатмаға өjрәшмәләринә даир Ислам Ингилабынын Бөjүк Рәһбәринин буjруғуна тохунараг деjиб: Нүвә анлашмасы бир мәрһәләли олмалы вә она әсасән Иран әлеjһинә бүтүн санксиjалар ләғв едилмәлидир. Һөҹҹәтүлилслам вәлмүслимин Казым Сиддиги әлавә едиб: Иран Ислам Республикасы президенти Һәсән Руһани дәфәләрлә мүзакирәләрдә нә тәзjиги, нә дә ки, санксиjаларын давамыны гәбул етмәмәсинә даир Иран Ислам Республикасынын аjдын мөвгеjини бәjан етмишдир. "Гәрбин Иранын сүлһмәрамлы нүвә фәалиjjәтләринә мүдахилә етмәк һаггы jохдур" деjән Теһранын бу һәфтәки ҹүмә намазынын хәтиби әлавә едиб: Дүшмәнләр мүзакирәләри узатмагла Иран халгынын елми инкишафына мане олмаға чалышырлар. Һөҹҹәтүлислам вәлмүслимин Казым Сиддиги һәмчинин дүшмәнләрин Иран халгы әлеjһинә мәкрли план вә санксиjалар тәтбиг етмәләринә тохунараг деjиб: Бу мәкрли планларын зәрәрсизләшдирилмәсинин jолу мүхтәлиф саһәләрдә өзүнү тәмин мәгсәдилә мүгавимәт игтисадиjjатынын там шәкилдә иҹра олунмасыдыр. Теһранын ҹүмә намазы хәтиби һәмчинин Фәләстин мәсәләси илә әлагәдар мүзакирәләрин давам етмәси барәдә деjиб: Фәләстин тәхминән 60 илдир сионист режимин ишғалындадыр вә бу режим һәлә дә Фәләстин халгы әлеjһинә ҹинаjәт төрәдир, фәләстинли ушаглары гәтлә jетирир, мүсәлманларын мүгәддәсләри вә илк гибләси jәни Әл-Әгса мәсҹидинә һүҹум едир. Һөҹҹәтүлислам вәлмүслимин Казым Сиддиги бу ҝүн Иранын ҹәнубунда сона чатан Иран Ислам Ингилабы Кешикчиләр Корпусунун 9-ҹу һәрби тәлимләринин кечирилмәси барәдә деjиб: Бу һәрби тәлимләр дүшмәнләрә игтидары нүмаjиш етдирмәк вә Иран халгы үчүн тәһлүкәсизлик вә динҹлик мүраҹиәтини дашыjыр. Теһранын ҹүмә намазы хәтиби Јәмән халг ингилабына да мүнасибәт билдириб: Бу өлкә ингилабы халг һәрәкатыдыр вә дүшмәнләрин мәкрли планлары илә мәһв олмаjаҹаг. Чүнки Јәмән халгы өз ирадәси илә дөвләт тәшкил етмәк ниjjәтиндәдир. Һөҹҹәтүлислам вәлмүслимин Казым Сиддиги һәмчинин Али-Хәлифә режимини тәнгид едәрәк билдириб: Бәһреjн вәтәндашларына гаршы бу режимин зүлм вә һәбсләри тәсирсиздир. Чүнки Бәһреjн халгы өз өлкәләринин талеjиндә шәрик олмаг истәjир.
Диггәт: Хәбәрдән истифадә етдикдә мәнбәjә истинад лазымдыр