Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Тајландын ҹәнубунда јерләшән Наративат әјаләтинин Маунҝ тиҹарәт мәнтәгәсиндә террор акты гејдә алыныб. Баш верән һадисә заманы иҝирмијә јахын инсанын мүхтәлиф дәрәҹәдә бәдән хәсарәтләри алараг јараландығы билдирилиб.
Илкин арашдырма әмәлијјатлары нәтиҹәсиндә мәлум олуб ки, террор акты автомобилә јерләшдирилән 50 кг партлајыҹы маддәнин диҹитал саат вастәси илә партладылыралаг һәјата кечирилиб.
Һадисә заманы полис вә тәһлүкәсизлик гүввәләринин мәнтәгәдә иш башында олдуглары ан баш вериб. Партлајыш нәтиҹәсиндә әрази јахынлығындакы инсанларын бир чоху мүхтәлиф дәрәҹәли бәдән хәсарәтләри алараг јараланыблар, јаралылардан бир нәфәринин дуруму олдугҹа ағырдыр.
Һадисәни төрәдән террорчулар диҝәр мәнтәгәдә дә бомба гурғусу јерләшдирибләр. Лакин бомбанын ишә дүшмәсиндән өнҹә Тајланд полис әмәкдашлары гурғуну зәрәрсизләшдирә билиб.
Белә ки, биринҹи партлајышдан сонра полисләр мәнтәгәјә јахынлашаркән һадисә јеринин 300 м јахынлығында шүбһәли мотосиклети мүшаһидә етдикдә јүксәк тәзјигли су илә, мотосиклетә зәрбә ендирәрәк партлајышын дағыдыҹылыг ҝүҹүнү азалда билибләр.
Тајланд полиси гејд едиб ки, террорчуларын икинҹи буби бомбасындан әсас мәгсәдләри мәһз полис гүввәләрини һәдәфә алмаг олуб.
Гејд едәк ки, баш верән ики террор һадисәсиндән сонра нөвбәти террор акты төрәдилиб. Анҹаг хошбәхтчиликдән террор акты баш тутмајыб. Намәлум бир шәхс тәрәфиндән ресторанын пәнҹәрәсиндән дахилинә атылан әл гумбарасы ишләмәјиб.
Диггәт: Хәбәрдән истифадә етдикдә мәнбәјә истинад лазымдыр
