Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасынын (АИП) Астара раjон комитәсинин сәдри, исламчы мәһбус Руһуллаһ Ахундзадәнин сәһһәти писләшиб.
"О, бөjрәк ағрылары вә синир системинин позулмасындан шикаjәтләнир. Бөjрәк ағрылары о һәддә чатыб ки, һәтта ҝеҹәләр истираһәт едә билмир. Нечә вахтдыр ки, мүаjинә вә мүалиҹә олунмасыны итәсә дә, көмәклик ҝөстәрмирләр. Руһуллаһ Ахундзадәнин аиләси олараг әлагәдар шәхсләрә үзүмүзү тутуб деjирик: “Дининиз, иманыныз билирик ки, jохду. Һеч олмаса кишилиjиниз олсун”. Кимисини һеч бир сәбәб олмадан Гобустана, "тубзон"а ҝөндәрмәклә әзиjjәт верирсиз, кимисини дә елә өзүнүн мәһбус һәjаты jашадығы мүәссисәдә сәһһәти писләшиб дөзүлмәз һәддә чатса да, мүаjинә вә мүалиҹәдән мәһрум едирсиз. Шәрләjиб зиндана салдырмагла үрәjиниз соjумаjыбмы? Бу гәдәр намәрдлик jетәр! Әл чәкин бу әмәлләриниздән!"- деjә мәһбусун аиләси билдириб. Хатырладаг ки, Руһуллаһ Ахундзадә 2011-ҹи илин jанвар аjында тутулараг Бакы Ағыр Ҹинаjәтләр Мәһкәмәсинин һөкмү илә 11 ил 6 аj мүддәтинә азадлыгдан мәһрум едилиб. О, һазырда һәбсхана шәраитиндә дүчар олдуғу хәстәликлә мүбаризә апарыр.
Диггәт: Хәбәрдән истифадә етдикдә мәнбәjә истинад лазымдыр
13 fevral 2015 - 11:34
Xəbər kodu: 670839
Руһуллаһ Ахундзадәнин сәһһәти писләшибИсламчы мәһбус Руһулла Ахундзадәнин сәһһәтиндә jаранан проблемләр ҝүнү-ҝүндән артыр
