"22 Бәһмән" илаһи ҝүнү милjонлуг jүрүшү кечирилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, "22 Бәһмән" илаһи ҝүнү милjонлуг jүрүшү кечирилиб
Бу ҝүн 22 Бәһмән(11 феврал), Иран Ислам Ингилабынын гәләбә чалмасынын 36-ҹы илдөнүмү ҝүнүдүр.
Елә бу мүнасибәтлә, бу ҝүн Теһран илә бир вахтда Иранын 1000 шәһәр вә 5000 кәндиндә халгын милjонлуг "22 Бәһмән" jүрүшүнә старт верилиб.
"22 Бәһмән" jүрүшү иштиракчылары "нүвә енержиси данылмаз һаггымыз!", "Фәда олсун Рәһбәрә, дамардакы ганымыз!", "Америкаjа өлүм!", "Исраилә өлүм!" шүарлары сәсләндирибләр.
Јүрүш иштиракчылары һәмчинин әлләриндә Иран Ислам Республикасынын даһи мемары Имам Хомеjни(р.ә) вә Ислам Ингилабынын Бөjүк Рәһбәринин фотошәкилләрини дашыjыблар.
Дүнjанын 30 өлкәсиндән ҝәлмиш 400-дән чох хариҹи гонағын иштиракы, 600 миндән чох мәктәбли jениjетмәнин 1357 мусиги групу тәркибиндә хор ифасы вә Теһранда 22 мин нәфәрлик бир хор мусиги ифасы буилки 22 Бәһмән jүрүшүнә хүсуси ҝөзәллик бәхш едиб.
Бу ил тәгрибән 265 хариҹи журналист вә 1500-дән чох jерли журналист, репортjор вә фотограф Теһранда 22 Бәһмән jүрүшүнүн әзәмәтини ишыгландырмаға чалышыб.
Өлкә сәвиjjәсиндә, диҝәр шәһәр вә кәндләрдә кечирилән 22 Бәһмән jүрүшләри исә 2800 журналист, репортjор вә фотограф тәрәфиндән ишыгландырылыб.
Иран Ислам Республикасынын Радио вә Телевизиjа тәшкилатынын бүтүн jерли вә сәрһәдашыры радио вә телевизиjа каналлары 22 Бәһмән jүрүшү үчүн тәjин олунмуш маршрутлар истигамәтиндә 350 хәбәр групу jерләшдирәрәк, бу милjонлуг jүрүшү ишыгландырмаға чалышыблар.
Һәмчинин бир чох хариҹи радио вә телевизиjа каналлары Теһранын Азадлыг меjданында jерләшәрәк, 22 Бәһмән jүрүшү вә халгын әзәмәтли иштиракыны ишыгландырмаға чалышыблар.
        
    
Диггәт: Хәбәрдән истифадә етдикдә мәнбәjә истинад лазымдыр