Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнјанын ән мәшһур “масон ложасында 33 дәрәҹәли устад” өзләрини азәбајҹанлы кими танытмагда исрарлы олан түркдиллиләрди.
Мәлуматлара ҝөрә, дүнјада масон сијасәтини һәјата кечирән ҹәмијјәтләрдән бири олан \"Боһмиан Грове” клубу Азәрбајҹанда да фәалијјәт ҝөстәрир.
Дүнјанын ән гаранлыг вә ҝизли шәбәкәләриндән олан \"Боһмиан Грове” 1880-ҹи илдә АБШ-да јарадылыб. Символу бајгуш олан бу клуба јәһуди лоббисинин өнәмли сималары рәһбәрлик едир.
Бунларын арасында Д.Рокфеллер, Ротшилд, Һ.Киссинҹер, Ҹ.Сорос, З. Бжезински вә диҝәриләрини ҝөстәрмәк олар.
\"Боһмиан Грове\" клубу да \"Лионс\", \"Ротари\", \"Билдерберг\" клублары кими дүнјанын ҝизли һакимијјәтләринә хидмәт едиб масон сијасәти һәјата кечирир. Бу клубу Азәрбајҹанда әсасән бизнес вә игтисади мәсәләләр марагландырыр.
Султан Мәммәдовун \"Масонлуг: Дүнјанын һөрүмчәк тору\" китабында јазылыб ки, Азәрбајҹанын 20-јә гәдәр јүксәк вәзифәли мәмурлары, сијасәтчиләри, һүгугшүнас вә мүхалифәт лидерләри \"Боһмиан Грове\" клубунун үзвүдүр.
Мүәллиф китабында \"Јени чағ\" гәзетинин дә бир нечә ил әввәлки сајларындан бәзи мәлуматлара истинад едәрәк јазыб ки, 2008-ҹи ил декабрын 27-дә Азәрбајҹанда бир масон мәмур \"Боһмиан Грове\"нин ән јүксәк дәрәҹәсинә сечилиб: \"Һәмин мәмурун хариҹдә вә өлкә дахилиндә ҝүҹлү бизнеси вар. Тәдбирләрә ҝедәркән голуна бағладығы саатда масон символуну -үчбуҹағы ҝөрмәк олар\".
Сорос Фонду Азәрбајҹан мүхалифәтинә 30 милјон доллар ајырыб
Сөзүҝедән китабда Азәрбајҹан мүхалифәтинин масонларла әлагәләринә дә ҝениш јер верилир. Мүәллиф јазыр ки, Сорос фонду вә диҝәр масон јөнүмлү клублар Азәрбајҹанын сијаси партијалары илә фәал иш апарараг 2005-ҹи илин парламент сечкиләриндә нарынҹы ингилаба ҹәһд едибләр.
Мәлуматда гејд олунур ки, Азәрбајҹан мүхалифәтинин лидерләринин Ҹорҹ Соросла шәхси әлагәләри вар. Даһа сонра мүхалифәт лидерләринин 2005-ҹи илдә Түркијәдә Соросла ҝөрүшдүјү гејд олунур вә һәмин ҝөрүш белә тәсвир едилир: \"АХҸП сәдри 2005-ҹи илин ијулунда Түркијәдә сәфәрдә оларкән бир сыра сијаси, иҹтимаи вә игтисади фәалијјәтлә мәшғул олан тәшкилатларын рәһбәрләри илә ҝөрүшүб. Бунларын арасында \"Ротари\" клубу да олуб. \"Ротари\" клубу масон сијасәтини һәјата кечирән тәшкилатдыр. Дүнјанын 156 өлкәсиндә 1,2 милјон үзвү вар. Онларын шүары дүнја бирлијинә хидмәт етмәкдир. Мәркәзи гәрарҝаһы Иллинојс штатынын Евенстон шәһәриндә јерләшир\".
Бунун ардынҹа мүәллиф мүхалифәт лидерләринин Түркијәдәки ҝөрүшү барәдә бунлары јазыр: \"2005-ҹи ил ијул ајынын 13-дә, сәһәр саат 06:40-да Истанбула ҝәлән мүхалифәт лидерләри Истанбулун Нәггаштәпә сәмтиндә јерләшән вә миллијәтҹә күрд олан, Түркијә медиасында ады наркобарон олараг һалланан Һүсејн Бәјбашыја мәхсус виллада Ҹ.Соросла ҝөрүшүб. Бу ҝөрүшдә Түркијәнин Мустафа Коч, Ајдын Доған, Тунҹај Өз Илһан кими бир нечә мәшһур сималары да иштирак едибләр\".
Мәлуматда о да гејд олунур ки, Ҹ.Сорос һәмин вахт Азәрбајҹандакы парламент сечкиләриндә мүхалифәтин фәалијјәтини малијјәләшдирмәк үчүн 30 милјон доллар ајырыб.
Китабда масонлуғун Азәрбајҹандакы тарихиндән вә символларындан да бәһс олунур, ејни заманда билдирилир ки, 2003-ҹү ил ијулун 3-дә Москванын Шәрг рајонларынын бириндә азәрбајанлылар үчүн хүсуси олараг \"Достлуг24”масон ложасы јарадылыб.
Бу ложада анҹаг Москва вә онун әтрафында јашајан азәрбајҹанлылар масонлугла мәшғул олублар.
Азәрбајҹанда исә 8 декабр 2008-ҹи илдә \"Бөјүк Милли Ложа” фәалијјәтә башлајыб вә \"Достлуг24”ложасы \"Азәрбајҹан Милли Ложасы”нын тәркибинә дахил едилиб.
Р.Һејәт Азәрбајҹанда масон ложасынын тәшкилинә сәј ҝөстәриб, лакин Һејдәр Әлијевин етиразы нәтиҹәсиндә буна наил ола билмәјиб.
Амма башга бир масон – Рази Паша исә ондан фәргли олараг Азәрбајҹанда масон ложасы јарада билиб.
Бу барәдә о заманкы “Јени Чағ” гәзетинә мүсаһибәсиндә Р.Паша билдириб ки, Азәрбајҹанда масон ложасы јарадыб вә гејдијјатдан кечмәк үчүн сәнәдләри Әдлијјә Назирлијинә тәгдим едиб.
Онун дедијинә ҝөрә, масон тәшкилатынын мәнзил гәрарҝаһы Ајна Султанова һејкәлинин јахынлығында јерләширмиш.
21 август 2006-ҹы ил тарихдә фанат диндарлар (Азәрбајҹан Шиәләрини нәзәрдә тутур) мәнзил гәрарҝаһын пәнҹәрә шүшәләрини сындырыб, бинанын ичәрисинә “Сизә Азәрбајҹан халгы арасында јер јохдур”, “Сиз ләнәтләнмиш вә Аллаһсызсыныз” сөзләри јазылан вәрәгләр атыблар.
Она ҝөрә дә гәрарҝаһын јерини дәјишиб башга үнвана кғчүрүбләр:
“Мәнзил-гәрарҝаһын јени үнваны мәхфи сахланылыр. Әҝәр Әдлијјә Назирлији бизим тәшкилаты гејдијјатдан кечирмәсә, ән азы дүнјанын 17 масон тәшкилатынын нүмајәндәләрини Бакыја дәвәт едиб онларын көмәји илә мәсәләни һәлл едәрик”.
Рази Паша ону да гејд едиб ки, бир ил ики ај хариҹи өлкәләрин бириндә масон дәрәҹәләринә јијәләниб вә бир чох масон ложа рәһбәрләринин, мүсбәт рәјини алыб.
Гејд едәк ки, јазыда адыны чәкдијимиз китабда јазыланлара ҝөрә, 2008-ҹи ил декабрын 27-дә Азәрбајҹанда бир масон мәмур “Боһмиан Грове” ән јүксәк дәрәҹәсинә сечилиб:
“Һәмин мәмурун хариҹдә вә өлкә дахилиндә ҝүҹлү бизнеси вар. Тәдбирләрә ҝедәркән голуна бағладығы саатда масон символу үчбуҹаг ҝөрмәк олар”.
Азәрбајҹанда исә 8 декабр 2008-ҹи илдә “Бөјүк Милли Ложа” фәалијјәтә башлајыб вә “Достлуг24”ложасы “Азәрбајҹан Милли Ложасы”нын тәркибинә дахил едилиб.
9 Декабр 2008-ҹи илдә Азәрбајҹан Милли Бөјүк Ложасынын гурмуш, АБШ-дакы Түрк дилли Нур Ложасы (Nur Lodge) вә Азәри Ложасынын (Azeri Lodge) гурулмасында фәал иштирак етмиш, Авропада бир чох ложаларда мүхтәлиф вәзифәләрдә чалышмыш, Румынија Милли Бөјүк Ложасынын гуруҹуларындан бири, ејни заманда Румынија вә диҝәр Славјан өлкәләриндә Масонлуғун тәмәлини ҝүҹләндирмиш шәхс, 19 декабр 2006-ҹы илдән етибарән Вашингтондакы ложаларын мәркәзи олан Колумбија Даирәси Бөјүк Ложасыына (Grand Lodge of thе District of Columbia) башчылыг едән “һөрмәтли бөјүк устад”, Роберт Бағыр Һејәтдир.
Бунунлада Азәрбајҹанда бир нечә илдир ки, “Азәрбајҹан милли бөјүк ложасы” рәсмән фәалијјәт ҝөстәрир. Гејд олунан ложанын башчысы исә, Роберт Бағыр Һејәтдир. Бәс бу Роберт кимдир?
Дүнјанын ән мәшһур “масон ложасында” 33 дәрәҹәли устад олан бу шәхс 1938-ҹи илдә Тәбриздә доғулмуш Роберт Һејәтди. 1938-ҹи илдә Тәбриздә анадан олан Бағыр Һејәт ҝәнҹ јашларында Ирандан АБШ-а мүһаҹирәт етмишдир. АБШ-да тиҹарәт фәалијјәтинә дашынмаз әмлакын алгы-сатгысы илә башлајан Бағыр Һејәт АБШ вәтәндашлығы алдыгдан сонра адыны дәјишәрәк Роберт гојмушдур. Масонлуг фәалијјәтинин ән актив дөврүнү Румынијада кечирмиш, Чаушеску режиминин јыхылмасында, Румынијадакы халг гијамынын тәшкилиндә, АБШ-дакы Түрк дилли Нур Ложасы (Нур Лодҝе) вә Азәри Ложасынын (Азери Лодҝе) гурулмасында фәал иштирак етмишдир. О, Авропада бир чох ложаларда мүхтәлиф вәзифәләрдә чалышыб. Һејәт һәм дә “Румынија милли бөјүк ложасынын” гуруҹуларындан бири, ејни заманда Румынија вә диҝәр Славјан өлкәләриндә масонлуғун тәмәлини ҝүҹләндирмиш шәхсдир. 19 декабр 2006-ҹы илдән етибарән Һејәт Вашингтондакы ложаларын мәркәзи олан “Колумбија даирәси бөјүк ложасыына башчылыг едән “һөрмәтли бөјүк устаддыр”. 8 Декабр 2008-ҹи илдә исә Роберт Бағыр Һејәт “Азәрбајҹан милли бөјүк ложасы” (national grande lodge of Azerbaijan) тәсис едир, вә Ложаја башчылыг едән “һөрмәтли бөјүк устаддыр”.
“Азәрбајҹан милли бөјүк ложасынын” рәсми интернет сәһифәси һәләлик јеҝанә тутарлы мәнбәләрдән бири һесаб олунур.
“ложанын” рәсми сајтында билдирилир ки, Азәрбајҹанда “азад масонлуғун” гурулмасы лајиһәси Wаshington D.C-дә гәбул олунмуш "Аzerbaijan lodge Nо.2001" јарадылмасы илә башлајыб.
Гејд едәк ки, һал-һазырда Азәрбајҹанда актив шәкилдә үч ложа фәалијјәт ҝөстәрир: “Аzerbaijan lodge Nо.1”, “drugba lodge Nо.3”, “Baku lodge Но.4”.
“Азәрбајҹан милли бөјүк ложасынын” үмумилликдә 102 үзвү вар.
Хатырладаг ки, 2014-ҹү илин ијун ајынын сонларында Бакыда Масонларын Али Ложасынын топлантысы кечирилмишди. Топлантыда масонлуғун ваҹиб ритуалы олан инсталлиатсија (гурашдырма) һәјата кечирилмишди.
“Масонлугда” бу, “али ложанын” “али рүтбәли забитләринин” “али устад” рүтбәсинә гәбул олунмасы илә бағлы андичмә мәрасимидир. Јајда “Азәрбајҹан масон ложасындан” јени “али устад Араз Канзас” бу мәрасимдән кечмишди.
Мәһз “Ширваншаһ” ресторанында баш тутан һәмин мәрасимә ҝәлән гонаглар сырасында Азәрбајҹанда масон ложасынын јарадылмасында бөјүк ролу олан Андреј Богданов, Азәрбајҹанда “масон ложасынын” рәһбәри вә бүнөврәсини гојан Бағыр Һејәт дә јер алмышды.
Диггәт: Хәбәрдән истифадә етдикдә мәнбәјә истинад лазымдыр
