Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ливан Һизбуллаһ Мүгавимәт Тәшкилатынын Баш Катиби Һөҹҹәтүл Ислам вәл Мүслимин Сејјид Һәсән Нәсруллаһ, Исраил террорчу режиминин Суријанын ҹәнубунда Гүнејтәрәдәки һүҹумунда һәјатыны итирән Һизбуллаһ әсҝәрләрини анма мәрасиминдә чыхыш едиб.
Сејјид Һәсән Нәсруллаһ, ганунсуз исраил режиминин ҹинајәтинә дәрһал ҹаваб вердикләрини ифадә едәрәк, террорчу режимә Мүгавимәт Һәракатынын ҝүҹүнү тест етмәмәсинә хәбәрдарлыг едиб.
'' Бөлҝәдәки бүтүн халглар вә дөвләтләр, ән азындан 1948-ҹи илдән бәри Исраил адлы бир хәрчәнҝдән өтәри аҹы чәкир. Бу хәрчәнҝ шиши, бу террорист дөвләт, тәҹавүзкар режим, фәсадын, истикбар вә зоракылығын символудур '' дејә Һизбуллаһ Һәракатынын Баш Катиби гејд едиб.
Сејјид Һәсән Нәсруллаһ даһа сонра дејиб: ''Исраил Фәләстиндә торпаглары вә мүгәддәсләри ишғал етмәклә јанашы, Иордан Чајынын Гәрб саһилләриндә 3 јәһуди шәһәрҹији салмасы бәһанәсијлә үрәји истәдији һәр шеји етди вә Гәззәдә 52 ҝүн давам едән дағыдыҹы бир мүһарибә башлатды. Орада ән вәһши вә ҝөрүнмәз ҹинајәтләри ишләди. Гәззаны мүһасирәдә сахлајыр, мүгәддәсата һүҹум едир, Мәсҹиди Әгсаны ҹидди бир шәкилдә тәһдид едир, минләрлә фәләстинлини чох чәтин шәраит алтында зинданларда һәбс едир. Суријадакы дөјүшү ачыгҹа гызышдырыр, тәкфирчи террорист груплары Суријаны вә Сурија Ордусуну јох етмәләри үчүн дәстәкләјир. Һәр кәсин ҝөзү гаршысында Сурија торпагларыны, Сурија һәрби базаларыны бомбалајыр. Мүхтәлиф бәһанәләрлә Сурија торпагларыны һавадан бомбардман едир. Ливанда Шәба Фермаларыны ишғалы алтында тутмагла разы галмыр. Аја ҝөрәсән исраил бәзи ливанлыларын мүгәддәс сајдығы 1701 сајлы гәрары танымырмы?''.
Ливан Мүгавимәт Һәракатынын Баш Катиби Нәсруллаһ даһа сонра дејиб: “Иргчи Исраил истәдији һәр кәси, бөлҝәдәки бүтүн дөвләтләри, ордулары вә халглары тәһдид едә биләҹәјини, ҝеҹә ҝүндүз, истәдији заман һәр јери вура биләҹәјини, истәдији һәр шеји едә биләҹәјини, һеч бир проблемлә гаршылашмајаҹағыны, она манеә төрәдә биләҹәк һеч бир шејин олмадығыны дүшүнүр, амма артыг ишләрин онларын истәдији кими ҝетмир. Чүнки онлар Мүгавимәт Гүввәләринин өзләринә ҹаваб верәҹәк ҝүҹдә олдугларыны дәрк едирләр.”
Сејјид Һәсән Нәсруллаһ, сионист Исраилин Гунејтрәдәки һәрби ҹәһдинин ҹинајәт олдуғуну билдирәрәк дејиб: ''Бу, Шәһид Аббас Мусәви вә аиләсинә гаршы ҹәнуб Ливанда едилән суи-гәсдин ејнисидир ''.
“Бизим Суријада шәһидләр вердијимиз кимсә үчүн ҝизли дејил. Биз онларла фәхр едирик, онларын сајәсиндә башымыз дикдир. Биз онлары Мүгавимәтин, Суријадакы Гүдс јолунун Шәһидләри олараг ҝөрүрүк. Исраил бизим бу Шәһидләримизин дә Суријадакы диҝәр шәһидләр кими гәләмә верәрәк өзүмүзү ојунун гајдалары бахымындан раһат бир мөвге сәрҝиләјәҹәјимизи дүшүндү ''- дејән Нәсруллаһ, ишғал олунмуш әразидә һәјата кечиртдикләри анти-террор әмәлијјатын террорчу режимин ҹинајәтнә гаршы ҹаваб олдуғуну билдириб.
Нәсруллаһ, әл Нүсрә террор тәшкилатынын да сионист Исраил вә диҝәр хариҹи гүввәләрин дәстәји илә Суријада фәалијјәт ҝөстәрдијини ифадә едәрәк билдириб: ''Чүнки, Исраил сәрһәдләрини онларын јаралыларына ачыр, јаралыларыны Исраил хәстәханаларында мүалиҹә етдирир. Нетанјаһу бу јаралылары шәхсән зијарәт етди. Исраиллиләр бу хадимләрин орада тапылмасындан һеч нараһатлыг һисси кечиртмирләр.”
Диггәт: Хәбәрдән истифадә етдикдә мәнбәјә истинад лазымдыр
