Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејндә мөвҹуд гејрилегал падшаһлыг системинә гаршы сүлһамиз етираз аксијалары давам едир.
Аксија иштиракчылары Бәһрејн Вифаг- Бирлик Партијасынын Баш Катиби Һөҹҹәтүл Ислам вәл Мүслимин Шејх Әли Сәлманын ганунсуз һәбсинә дә етираз едәрәк бир даһа Шејх Салманын Хәлифә режиминин мәһкәмәси тәрәфиндән мүһакимә олунмасына гаршы чыхыблар.
Лакин бүтүн бунлара таб ҝәтирмәјән Бәһрејнә һаким кәсилмиш вәһһаби әгидәли Хәлифә сүлаләси вердији ҝөстәришләр әсасында режимин ҝүҹ структурлары вәтәндашлара гаршы зор тәтбиг едиб. Нәтиҹәдә бир нечә ҝүнаһсыз инсан мүхтәлиф дәрәҹәли бәдән хәсарәтләри алараг јараланыб.
Мәлуматымыза ҝөрә, Бәһрејнин мөвҹуд режиминин Сәуди Әрәбистан краллығындан кирајәјә ҝөтүрдүјү муздлу дөјүшчүләри вәтәндашлара гаршы бејнәлхалг аләмдә гадаға олунмуш ов түфәнҝләриндән вә зәһәрли ҝөзјашардыҹы газлардан истифадә едибләр.
Белә ки, вәһһаби режиминин һәрбичиләри аксија иштиракчыларындан бир нечә нәфәринә мүхтәлиф дәрәҹәли бәдән хәсарәтләри јетирәрәк јаралајыблар.
Гејд едәк ки, аксија иштиракчыларынын вәһһабиләр тәрәфиндән белә бир вәһшилијә мәруз галмаларынын јеҝанә сәбәби аксија заманы Шејх Әли Сәлманын шәкиләрини әлләриндә тумалары олуб.
Билдирәк ки, сүлһамиз аксијаларда Һөҹҹәтүл Ислам титулларына лаиг ҝөрүлмүш бир чох танынмыш руһаниләр дә иштирак едир.
Диггәт: Хәбәрдән истифадә етдикдә мәнбәјә истинад лазымдыр
