Рәсми Теһран Азәрбаjҹан президентинин “Һеч ким өлкәмизлә ултиматум дилиндә даныша билмәз” сөзүнә реаксиjа верди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Рәсми Теһран Азәрбаjҹан президентинин “Һеч ким өлкәмизлә ултиматум дилиндә даныша билмәз” сөзүнә реаксиjа верди
Иран Ислам Республикасы Хариҹи Ишләр Назирлиjинин сөзчүсү Азәрбаjҹан Республикасы президенти Илһам Әлиjевин “Һеч ким өлкәмизлә ултиматум дилиндә даныша билмәз” сөзүнү алгышлаjараг, деjиб: Бу о демәкдир ки, Азәрбаjҹан Республикасы һөкумәти өз имканлары вә потенсиалларына уjғун формада реҝионал вә беjнәлхалг һадисәләр вә дәjишикликләрдә рол алмаға чалышыр.
Ханым Мәрзиjjә Әфхәм мүхбирләрлә һәфтәлик брифигиндә Сәһәр каналынын мүхбиринин суалына ҹавабда деjиб: Бу ҝүн дүнjамызда мөвҹуд олан реаллыг диҝәр өлкәләрә сиjасәтләрин диктә едилмәси дөврүнүн артыг баша чатдығындан хәбәр верир. Вә Азәрбаjҹан Республикасы президенти елә бу истигамәтдә аjдын формада бәjан едиб ки, һеч бир өлкә бизимлә ултиматум дили илә даныша билмәз. Бу о демәкдир ки, Азәрбаjҹан Республикасы һөкумәти өз имканлары вә потенсиалларына уjғун формада реҝионал вә беjнәлхалг һадисәләр вә дәjишикликләрдә рол алмаға чалышыр."
Иран Хариҹи Ишләр Назирлиjинин сөзчүсү Азәрбаjҹана мүстәгил сиjасәт jүрүтмәкдә jардым едәҹәjини хатырладараг, деjиб: Бу чәрчивәдә Иран илә Азәрбаjҹан арасындакы jахын мүнасибәтләри ҝөрмәмәзлиjә вурмаг олмаз. Һәр бир өлкә өз jерләшдиjи мәнтәгәдә мүәjjән чәкиjә малик олмагла, сөз саһиби саjылыр. Өлкәләр өз милли марагларыны там аjыглыгла изләjирләр. Елә бу истигамәтдә өзләринә етибарлы мүттәфигләр вә дост өлкәләр сечирләр. Бу бахымдан Иран Ислам Республикасы Азәрбаjҹан Республикасынын мүстәгил сиjасәт jүрүтмәсини алгышлаjыр.
Диггәт: Хәбәрдән истифадә етдикдә мәнбәjә истинад лазымдыр