Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, 2014-ҹү ил авиасиjа сектору үчүн гәзалар вә тәһлүкәсизлик бахымындан ҹидди проблемләрин ортаjа чыхдығы бир заман кәсими саjыла биләр. Телеграф.ҹом-ун мәлуматына ҝөрә, өтән ил jашанан чохсаjлы авиасиjа гәзаларында jүзләрлә инсан һәлак олуб.
Илин тәjjарә гәзалары мартын 8-дә МҺ-370 типли Малаjзиjа тәjjарәсинин jерә чырпылмасы илә башлады. Куала Лумпурдан Пекинә ҝедән “Боеинҝ 777” сәрнишин тәjjарәси, гыса бир мүддәт сонра 227 сәрнишин вә 12 екипажы илә бирҝә радарлардан итди. Һинд океанында ахтарыш ишләри һәфтәләрлә давам етсә дә, тәjjарәнин изи тапылмады. Тарихдә ән әһатәли вә ән баһалы ахтарыш ишләринин апарылмасына бахмаjараг, гәзадан 9 аj сонра да б тәjjарә һагда һеч бир дәлил-сүбут тапылмады.
Малаjзиjа һава jолларында 4 аj сонра даһа бир фаҹиә jашанды. Амстердамдан Куала Лумпура ҝетмәкдә олан вә 295 адам дашыjан сәрнишин тәjjарәси, Украjнанын шәргиндә, Русиjа сәрһәдинә jахын бир бөлҝәдә вурулду. Украjна илә Русиjа, тәjjарәнин вурулмасында бир-бирләрини ҝүнаһландырдылар. Нәтиҹәдә авропалы рәсмиләр бөлҝәдәки учушлары ләғв етди
Иjулун 23-дә Таjванын Каоһсиунҝ шәһәриндән Пенҝһу Адаларына ҝедән ТрансАсиа һава jолларына аид бир нөвбәти сәрнишин тәjjарәси jерә чырпылды. Франсыз вә италjанларын ортаг истеһсалы АТР72 типли тәjjарә Таjвана тәҹили ениш едәркән jерә чырпылмасы нәтиҹәсиндә 48 нәфәр өлдү, 11 нәфәр исә jараланды. Гәза jериндә 2 ев дә jанды.
Еjни һәфтәдә үчүнҹү тәjjарә гәзасы хәбәри Әлҹәзаирдән ҝәлди. Әлҹәзаир һава jолларына аид итән сәрнишин тәjjарәсинин дағынтылары Малидә тапылды. Пис һава шәртләриндән гаjнагланан гәзада 116 нәфәр һәjатыны итирди.
Сон 5 илә нәзәр салдыгда 2014-ҹи илдә тәjjарә гәзаларында өләнләрин саjынын артдығы билдирилир. Ону да билдирәк ки, һәр гәза һадисәсиндән сонра тәjjарәләрдәки тәһлүкәсизлик системләриндә jениликләр тәтбиг олунур. Мәсәлән, 228 сәрнишини илә Риодан Парисә ҝедән Аир Франҹе тәjjарә гәзасындан сонра Франсыз һава jоллары гара гутуларынын даjаныглылыг мүддәтини 30 ҝүндән 90 ҝүнә артырды. Авиасиjа ширкәтләринин истифадә етмәjә мәҹбур олмадыглары jени тәһлүкәсизлик системләри тәтбиг етмәjә башлады.
Бундан башга, тәjjарәнин олдуғу мөвге һәр 10 дәгигәдән бир сигналла мәркәзә билдирилир. Тәjjарә орбитиндән чыхдыгда сигнал дәрһал ишә дүшүр. Тәjjарәләрдәки тәһлүкәсизлик системләринин артмасына вә автоматик навигасиjа системләринин даһа да әһатәли һала ҝәтирилмәсинә бахмаjараг, баш верән тәjjарә фаҹиәләринин гаршысыны тәәссүф ки, алмаг олмур.
Диггәт: Хәбәрдән истифадә етдикдә мәнбәjә истинад лазымдыр
1 yanvar 2015 - 03:08
Xəbər kodu: 661930
2014-ҹү ил авиасиjа сектору үчүн гәзалар вә тәһлүкәсизлик бахымындан ҹидди проблемләрин ортаjа чыхдығы бир заман кәсими саjыла биләр. Телеграф.ҹом-ун мәлуматына ҝөрә, өтән ил jашанан чохсаjлы авиасиjа гәзаларында jүзләрлә инсан һәлак олуб
