ИШИД-ин дәһшәтли гәтлиам планы: "Милjонлар өлдүрүләҹәк"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу илин орталарындан етибарән һәjата кечирдиjи анти-ислам фәалиjjәтләрлә исламы ҝөздән салан, террорчу груплашма кими дүнjа өлкәләри тәрәфиндән гәбул едилән ИШИД һаггында китаб jазылыб.
Алманиjанын танынмыш тәдгигатчысы, еjни заманда Христиан Демократ Партиjасынын (ҸДУ) сабиг милләт вәкили Жүрген Тоденфөфер ИШИД-ин jох едилмәсининин jолуну ҝөстәриб.
О билдириб ки, ИШИД-чиләрин һәдәфи jәһудилиjи, христианлығы арадан галдырмаг вә исламдан башга диҝәр динләрин jаjылмасына гаршы чыхмагдыр.

Онларын фикринҹә, демократиjа инанан мүсәлманлар да өлмәлидир. ИШИД-чиләрин дәһшәтли планына әсасән, дини тәмизлик үчүн милjонларла инсанын өлмәси лазымдыр.
Жүрген Тоденфөфер ИШИД-ә һәр ҝүн дүнjанын мүхтәлиф өлкәләриндән чох саjда инсан гатылдығыны вурғулаjыб: “ИШИД-ә аид дүшәрҝәдә олдуғум мүддәт әрзиндә ҝүндә ән аз 50 нәфәрин онларын сәфинә кечдиjини ҝөрдүм. Онлара гошуланларын саjы, аjрылмаг истәjәнләрдән даһа чохдур. Онларын ән ҝүҹлү олдуғу jерин Рагга олдуғу дүшүнүлүр.
Лакин мәним фикримҹә, ән ҝүҹлү олдуғу вә нәзарәтдә сахладыглары jер Мосулдур. ИШИД-чиләри даjандырмаг, гаршысыны кәсмәк мәсәләсинә ҝәдикдә исә бунун садәҹә Ирагдакы сүнниләр тәрәфиндән баш тута биләҹәjини зәнн едирәм. Маликинин вахтында тәзjигә мәруз галмыш, инҹидилмиш 30-35%-лик сүнни груп jенидән Ирагда тәсири артырса, ИШИД-ин гаршысы алынар.”
Бундан башга алманиjалы тәдгигатчы Авропада анти-Ислам чыхышларын, аксиjаларын ИШИД-ә тәсириндән дә данышыб: “ИШИД террорчулары Пеҝида (Патриотисҹһе Еуропäер ҝеҝен дие Ысламисиерунҝ дес Абендландес” – “Гәрбин Исламлашмасына гаршы чыхан Вәтәнпәрвәр Авропалылар”) һәрәкатындан разыдырлар. Бу, онлара сәрф едир. Чүнки Авропада бу ҹүр чыхышлары ҝөрүб, исламын сыхышдырылдығыны дүшүнәнләр ИШИД-ә гошулурлар”.
Диггәт: Хәбәрдән истифадә етдикдә мәнбәjә истинад лазымдыр