Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Исвечин Истокһлам вә Малмо шәһәрләриндән Мүгәддәс Гум шәһәринә сәфәр едән 12 Шиә активисти АБНА- Хәбәр Аҝентлијинин мәркәзи офисин зијарәт едиб.
Зијарәт заманы онлар АБНА- Хәбәр Аҝентлијинин мүтәхәссисләри илә данышыглар апарыб вә аҝентлијин хәбәрләрин әлдә олунмасы вә јајымланмасынын неҹәлији һагда мәлумат алыблар.
Ҝөрүшдә АБНА- Хәбәр Аҝентлијинин Баш Катибинин мүавини аҝентлијин ҝөрдүјү ишләр вә һансы дилләрдә ҝөстәрдији фәалијјәтләри һагда мәлумат вериб.
Аҝентлијин Баш Катибинин мүавини Сејјид Муһәммәд Тәфриши һәмчинин билдирб ки, АБНА- Хәбәр Аҝентлијинин әсас һәдәфи Шиәликдир.
Сејјид Муһәммәд Тәфриши дүнјанын бир сыра бөлҝәләриндә АБНА – Хәбәр Аҝентлијинин нүмајәндәлијинин олдуғуну вурғулајараг билдириб: “Демәк олар ки, Шиәләрә аид баш верән бүтүн һадисәләри лаигинҹә виртуал медиада ишыгландыра билирик”.
Муһәммәд Тәфриши даһа сонра АБНА – Хәбәр Аҝентлијинин Дүнја Шиәләринин хәбәрләрини ишыгландыран ән ҝениш виртуал сајт олдуғуну гејд едәрәк, аҝентлијин дүнјанын бүтүн бөлҝәләриндә јашајан вә хәбәрләрин јајылмасында мараглы оланлар илә, әмәкдашлыг етмәјә һазыр олдуғуну билдириб.
Диггәт: Хәбәрдән истифадә етдикдә мәнбәјә истинад лазымдыр
