Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран бу өлкә әлеjһинә инсан һаглары гәтнамәсинә реаксиjа верди
Иран Ислам Республикасы Хариҹи Ишләр Назирлиjинин мәтбуат хидмәтинин рәһбәри деjиб: Реҝионун әсас бөһранынын сионист режимин ҹинаjәтләри, терроризм вә мүтәшәккил ифратчылыг олдуғу бир һалда, Иран әлеjһинә гәтнамәнин тәсдигләнмәси бәзи гәрб өлкәләринин jанлыш сиjасәтинә исрар етмәкдир.
Иран ХИН сөзчүсү Мәрзиjjә Әфхәм мүстәгил өлкәләр әлеjһинә инсан һагларындан истәнилән сиjаси васитә кими истифадәнин олунмасыны писләjәрәк әлавә едиб: Иран Ислам Республикасы белә гәтнамәләрин формалашмасы, тәсдигләнмәси вә мәзмунуну үмумиjjәтлә рәдд олунмуш һесаб едир. Тәәссүфләндириҹи һалдыр ки, БМТ-нин инсан һаглары васитәләри вә механизмләриндән бәзән өзләри ачыг-ашкар шәкилдә дахилдә вә хариҹдә инсан һагларыны позан тәрәф һесаб олунан бәзи гәрб өлкәләри тәрәфиндән суи-истифадә олунур.
Иран әлеjһинә санксиjанын гәрәзли вә геjри-дәгиг мәнбәләрдән истифадә олунараг тәсдигләндиjини бәjан едән Әфхәм сөjләjиб: Иран Ислам Республикасы бу гәтнамәдә дәрҹ олунан иддиалара сәнәд вә фактла ҹаваб вермишдир. Әҝәр гәтнамәни һазырлаjанларын гәрары икили меjарлардан узаг вә тәрәфсизлик үзәриндә олсаjды, шүбһәсиз, она һеч бир зәрурәтин олмадығыны анлаjардылар.
Иран ХИН сөзчүсү билдириб: Иран Ислам Республикасы БМТ-нин Инсан Һаглары Шурасынын сон иҹласында өз фәал вә конструктив иштиракы илә 2-ҹи һесабатыны тәгдим етди. Бир чох өлкә данышыгларда актив иштирак етмәклә өз төвсиjәләрини ирәли сүрдү.
Әфхәм әлавә едиб: Иран Ислам Республикасы дини демократиjа гурулушуна саһибдир, дини өһдәликләринин кәнарында конститусиjа, нормал ганунлар вә беjнәлхалг өһдәликләрә садигдир, милли, реҝионал вә беjнәлхалг сәвиjjәдә инсан һагларынын инкишафы вә jүксәлиши истигамәтиндә ҹидди сәj ҝөстәрир.
Канаданын Иран Ислам Республикасына гаршы тәклиф етдиjи гәтнамә ҹүмә ахшамы ҝүнү БМТ Баш Ассамблеjасында тәсдигләниб.
Диггәт: Хәбәрдән истифадә етдикдә мәнбәjә истинад лазымдыр
Иран Ислам Республикасы бу өлкә әлеjһинә инсан һаглары гәтнамәсинә реаксиjа верди
Иран Ислам Республикасы бу өлкә әлеjһинә инсан һаглары гәтнамәсинә реаксиjа верди
19 dekabr 2014 - 15:10
Xəbər kodu: 659346
Иран Ислам Республикасы Хариҹи Ишләр Назирлиjинин мәтбуат хидмәтинин рәһбәри деjиб: Реҝионун әсас бөһранынын сионист режимин ҹинаjәтләри, терроризм вә мүтәшәккил ифратчылыг олдуғу бир һалда, Иран әлеjһинә гәтнамәнин тәсдигләнмәси бәзи гәрб өлкәләринин jанлыш сиjасәтинә исрар етмәкдир.
