Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Америка Бирләшмиш Штатларынын пајтахты Вашенгтон шәһәри јахынлығында ики мүһәррикли кичик реактив тәјјарә гәзаја уғрајыб.
Америка Бирләшмиш Штатларынын Һава Гүввәләри һадисә илә бағлы мәлумат верәрәк билдирибләр: “Гәзаја уғрајан тәјјарә кичик реактив Ембраер ЕМБ – 500 типли шәхси тәјјарә олуб. Һадисә тәјјарәнин Мериләнд шәһәриндә јерләшән Монтгомери Каунти һава лиманына јахынлашаркән, лимандан 1 км 500 м аралыг мәсафәдәки евин дамына дәјмәклә баш вериб. Һадисә заманы тәјјарәнин сәрнишинләриндән үч нәфәри һәлак олуб.”
Мәлумата әсасән, һадисә заманы баш верән јанғын нәтиҹәсиндә гәзанын баш вердији мәнтәгәдә јерләшән бир нечә шәхси евләр јанараг ағыр хәсарәт алыблар.
Мериләнд шәһәринин Јанғындан Мүһафизә Һиссәсинин сөзчүсү дә өз нөвбәсиндә билдириб ки, гәза тәјјарәнин Мериләнд шәһәриндә јерләшән Монтгомери Каунти һава лиманына јахынлашаркән, лимандан 1 км 500 м аралыг мәсафәдәки евин дамына дәјмәклә баш вериб.
Һәләлик һадисәнин деталлары ачыгланмајыб. Һал шаһидләринин билдирдијинә ҝөрә исә, тәјјарәнин техники чатышмамазлыг сәбәбиндән гәзаја уғрадығы нәзәрә чарпырды.
Диггәт: Хәбәрдән истифадә етдикдә мәнбәјә истинад лазымдыр
