Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹанда нурчуларын јенидән тәмәркүзләшмәси просеси ҝедир. Артыг бир нечә белә топланты баш тутуб. Бу ҝүнләрдә исә Түркијәдән ҝәлән нүәузлу бир симанын иштиракы илә Бакыда мүһүм шәхсләрлә ҝөрүш кечирилиб.
Адынын ачыгланмасыны истәмәјән ресурс билдириб: Бакыдакы ресторанларын бириндә кечән шәнбә ҝүнү баш тутан ҝөрүшдә илҝинҹ анлашма әлдә олунуб:
«Нурчулар Азәрбајҹанда галыб фәалијјәт ҝөстәрә, әлләриндәки имканлары горуја билмәләри үчүн бүтүн мүмкүн аддымлары мүзакирә едибләр. Һәтта конкрет бир һејәт дә јарадылыб ки, бу һејәт Азәрбајҹанда нурчуларын Фәтуллаһ Ҝүлән ганадынын рәсми Бакы илә мүнасибәтләринин гајдасына салынмасы үчүн фәалијјәт ҝөстәрмәлидир».
Мәнбә даһа сонра билдирир: «Фәтуллаһ Ҝүләнин өзү дә дәфәләрлә мүхтәлиф јолларла рәсми Бакы илә данышыгларда мараглы олдуғуну нүмајиш етдириб. Һәтта давамлы олараг Ҝүләнә јахын мәмурларын «вурулмасы» дөнәминдә дә бу тәшәббүсләр һисс олунурду.
Сон һәфтәләр әрзиндә исә Ҝүлән ҹамаатынын Бакы илә достлашма мејилләри даһа да ҝүҹләниб».
Диггәт: Хәбәрдән истифадә етдикдә мәнбәјә истинад лазымдыр
