Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Мәшһур авторитет Рөвшән Ҹаныјев (Ләнкәрански) Ләнкәранда олуб. Мәлумата ҝөрә, Ләнкәрански нојабрын 4-дә доғулдуғу шәһәрдә кечирилән Ашура мәрасиминдә иштирак едиб.
Ону шәһәрин Кичик Базар адланан әрази әтрафында 4-5 мүһафизәчиси илә ҝөрүбләр. Гејд едәк ки, Ләнкәрански илә јанашы анасы, һәјат јолдашы вә ушаглары да Ашура мәрасиминә гатылыб.
Хатырладаг ки, Рөвшән Ҹаныјев “оғру дүнјасы”нда бөјүк нүфуз саһибидир вә “Рөвшән Ләнкәрански” кими таныныр. О, илк дәфә 1996-ҹы илдә 2 ил мүддәтиндә һәбс едилиб. Рөвшән Ҹанијев атасынын гатилини елә мәһкәмә залындаҹа ҝүлләләјиб. Сәбаил Рајон Мәһкәмәсинин 4 март 1997-ҹи ил тарихли гәрары илә ҹәзадан шәрти азад олунуб. 2000-ҹи илин ијулунда јенидән мәсулијјәтә ҹәлб олунуб. Гәсдән адам өлдүрмәјә ҹәһд вә ганунсуз одлу силаһ, партлајыҹы маддәләр вә гурғулар әлдә етмә, башгасына вермә, сатма, сахлама маддәси илә иттиһам олунуб. Лакин мәһкәмә онун барәсиндә психи мүалиҹәјә ҝөндәрилмәси барәсиндә гәрар чыхарыб. 2001-ҹи илдә Сабунчу Рајон Мәһкәмәсинин гәрары илә Р. Ҹаныјев ҹинајәт мәсулијјәтиндән азад едилиб.
Диггәт: Хәбәрдән истифадә етдикдә мәнбәјә истинад лазымдыр
