Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Ислам Партијасы (АИП) Аналитик Информасија Мәркәзинин (АИМ) нөвбәти топлантысы кечирилиб.
Топлантыда партијанын митинг кечирмәк үчүн Бакы ШИҺ-нин митинг мүраҹиәтинә ҹавабы, Азәрбајҹан-Иран мүнасибәтләри, өлкәдә вә дүнјада баш верән һадисәләр мүзакирә олунду.
АИМ сәдри Үзејир Һејдәрли топлантыны ачыг елан едәрәк, Бакы ШИҺ-нин АИП-ин митинг кечирмәк барәдә үнванладығы мүраҹиәтә вердији ҹавабы охуду. Вә гејд етди ки, мерија һәмин тарихдә митинг кечирмәк үчүн АХҸП-нин дә мүраҹиәт етдијини әсас ҝәтирәрәк, Ислам Партијасынын аксија кечирмәсини мәгсәдәујғун сајмајыб:
«Бу, әлбәттә, ҝүлүнҹ бир ҹавабдыр. Чүнки АХҸП-нин митинг кечирмәк истәји илә бағлы мәтбуатда һеч бир мәлумат ҝетмәјиб. Бир дә ки, мәҝәр Азәрбајҹанда митинг кечирмәк үчүн башга бир мәкан јохдурму? Бүтүн бунлар ону ҝөстәрир ки, Конститусијада тәсбит олундуғуна бахмајараг, сәрбәст топлашмаг азадлығы үмумијјәтлә јохдур. АИП заман-заман тәзјигләрә мәруз галыб. Вә һәмишә дә сынаглардан үзүағ чыхыб. Индијә гәдәр дә өлкәдә баш верән просесләрлә бағлы прогнозлары өзүнү тамамилә доғрулдуб. Һакимијјәт јахшы баша дүшүр ки, Исламчыларын нүфузу бөјүкдүр. Она ҝөрә дә һәмишә тәзјиг алтында сахламаға, фәалијјәтинә мане олмаға чалышыр».
Митингин тәшкилат комитәсинин үзвү, АИП сәдринин сијаси мәсәләләр үзрә мүавини Акиф Һејдәрли исә мүраҹиәтин мәзмуну барәдә гыса мәлумат верәрәк тәәссүфлә билдирди ки, Бакы меријасы мәгсәдли шәкилдә митингин кечирилмәсинә шәраит јаратмагдан имтина едиб:
«Иҹра Һакимијјәтиндә јахшы баша дүшүрләр ки, исламчыларын митинги ҝенишмигјаслы олаҹагды. Јәни аксијанын јүксәк сәвијјәдә кечириләҹәјиндән еһтијатланараг садәҹә бәһанә едир. Анҹаг бу о демәк дејил ки, мерија сәрбәст топлашмаг һаггында гануну позмалыдыр. АИП-ин јолу һагг јолудур. Буну да јахшы билирләр. Әҝәр АХҸП-нин митинг кечирмәк барәдә мүраҹиәти варса, мәтбуата мәлумат верилмәлијди. Амма белә бир мәлумат јохдур. Бу һалда һесаб едирәм ки, тәшкилат доғрудан да митинг кечирәҹәксә, онда белә чыхыр ки, бу, АИП-ин митингинә әнҝәл төрәтмәк үчүн һакимијјәтлә һәмин гурумун бирҝә ссенарисидир. Гәрб Гарабағ проблеми илә бағлы Азәрбајҹана неҹә јанашырса, Азәрбајҹан һакимијјәти дә Ислам Партијасына, Ислама, исламчылара о ҹүр, икили стандартларла јанашыр».
АИП-ин сәдр әвәзи Елчин Манафов да мәсәлә илә бағлы фикирләрини билдирәрәк деди ки, Ислам Партијасы белә бәһанәләри чох ҝөрүб.
Е.Манафов рәһбәрлик етдији гурумун мүбаризәни һәмишә сивил јолла апардығыны да вурғулады. Вә деди ки, бу ҹавабдан сонра бизим ики јолумуз галыр:
"Ја бир даһа мүраҹиәт етмәк, ја да иҹазәсиз аксија кечирмәк. Амма Һаҹы Мөвсүм Сәмәдовун Гобустан гапалы һәбсханасына көчүрүлмәси илә бағлы мәһкәмәнин һөкмүндән верилән апеллјасија шикајәти әсасында кечириләҹәк мәһкәмә һәлә габагдадыр. Она ҝөрә дә һесаб едирәм ки, митинг үчүн јенидән мүраҹиәт етмәлијик. Ола билсин ки, тәләбләримиз нәзәрә алынды вә М.Сәмәдов Гобустан һәбсханасындан әввәлки јеринә гајтарылды».
АИП сәдринин тәшкилати мәсәләләр үзрә мүавини Вүгар Ибајев дә меријанын ҹавабынын ссенари олдуғуну, мәтбуатда һеч бир ачыглама верилмәдији үчүн АХҸП-нин митинг кечирмәк планынын һакимијјәтлә разылышдарылдығыны вурғулады.
О, АИП-инбундансонрамитингиһансыформадакечирмәлиолдуғунадатохунду:
«Иҹазәсиз митингдә тәхрибат төрәдилә биләр. Ола билсин ки, бунунла бизи радикаллыға сүрүкләмәк, бундан истифадә едиб партијаја гаршы јени тәзјигләрә башламаг истәјирләр. Һәр һалда митинг үчүн јенидән мүраҹиәт олунмалыдыр».
АИП сәдринин мүавини Елшән Оруҹов да һәләлик иҹазәсиз митингин мәгбул олмадығыны билдирди. Вә деди ки, белә һалларда иштиракчыларын сајы адәтән чох аз олур. Бу исә АИП-ин нүфузуна зәрбәдир. Ола билсин ки, иҹазә вермәмәкдә мәгсәдләрдән бири дә будур. Јәни мән дә баш верәнләрин ссенари олдуғуну дүшүнүрәм.
Натиг Кәримов, Рөвшән Нуријев, Елмар Сәмәдов вә диҝәрләри дә чыхыш едәрәк, митингә иҹазә верилмәмәсини исламчылары тәхрибата, радикаллыға сүрүкләмә ссенарисинин тәркиб һиссәси кими гијмәтләндирдиләр.
Топланты иштиракчылары даһа сонра ИИР-Азәрбајҹан мүнасибәтләридә дә тохундулар. Натигләр Иран Ислам Республикасынын Президенти Һәсән Руһанинин өлкәмизә сәфәрини јүксәк гијмәтләндирәрәк билдирдиләр ки, јүксәк сәвијјәдә кечирилән данышыглар өлкәләримиз арасындакы әлагәләри даһа да мөһкәмләндирәҹәк, игтисади инкишафы сүрәтләндирәҹәкдир. Һәмчинин ики өлкә арасында виза режими јүнҝүлләшәҹәк. Чыхыш едәнләр президентләрин ҝөрүшүнә мүнасибәт билдирәрәк хатырлатдылар ки, президент Илһам Әлијев Иранын һәмишә Дағлыг Гарабағ проблеми илә бағлы бизә дәстәк олдуғуну вурғулајыб. Ҝөрүшлә бағлы даһа бир мүһүм мәсәләјә дә диггәт јетирилди:
«Һ.Руһани вә И.Әлијев гејд етдиләр ки, әлагәләримиз һәр һансы үчүнҹү өлкәјә гаршы јөнәлмәјиб. Азәрбајҹан президенти исә вурғулады ки, өлкәмизин әразисиндән һеч вахт Ирана гаршы истифадәјә јол верилмәјәҹәк».
АИМ үзвләри ҝүндәликдә дуран үчүнҹү мәсәлә илә бағлы да фкирләрини билдирәндән сонра нөвбәти митинг үчүн Бакы Шәһәр Иҹра Һакимијјәтинә јенидән мүраиәт едилмәси гәрара алынды.
Диггәт: Хәбәрдән истифадә етдикдә мәнбәјә истинад лазымдыр
