Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Али Мәһкәмә “Фатимеји-Зәһра” (сәламуллаһи әлејһа) адына Мәсҹидин диндарларынын дини иҹмасынын гејдијјатынын ләғв едилмәсинә даир гәрары гүввәдә сахлајыб.
Дини Гурумларла Иш үзрә Дөвләт Комитәси ганунвериҹилијин тәләбләринә ујғун олараг јенидән дөвләт гејдијјатына алынмасы үчүн ганунла мүәјјән едилмиш мүддәтдә лазым олан сәнәдләрини Дөвләт Комитәсинә тәгдим етмәмәсини, еләҹә дә мөвҹуд вәзијјәтини вә фәалијјәт имканларыны әсас тутараг, Сураханы “Фатимеји-Зәһра” (сәламуллаһи әлејһа) адына Мәсҹидин диндарларынын Дини Иҹмасынын ләғв едилмәсинә даир иддиа әризәси илә 2 сајлы Бакы Инзибати-Игтисади Мәһкәмәсинә мүраҹиәт едиб. 2 сајлы Бакы Инзибати-Игтисади Мәһкәмәси иддиа әризәси тәмин едәрәк дини иҹманын ләғв едилмәсинә даир гәтнамә гәбул едиб.
Сонрадан Дини Иҹма апелјасија шикајәти версә дә, Бакы Апелјасија Мәһкәмәсинин Инзибати-Игтисади Коллеҝијасы гәрары гүввәдә сахлајыб. Лакин дини иҹма бу дәфә Али Мәһкәмәјә кассасија шикајәти вериб.
Кассасија шикајәтинә бахан Али Мәһкәмәнин Инзибати-Игтисади Коллеҝијасы иҹманын ләғви илә бағлы гәтнамәни гүввәдә сахлајыб. НәтиҹәдәАзәрбајҹанРеспубликасыӘдлијјәНазирлијиндәдөвләтгејдијјатынаалынмышСураханырајону, ЈениҜүнәшлигәсәбәсиндәфәалијјәтҝөстәрән “Фатимеји-Зәһра” (сәламуллаһиәлејһа) адынаМәсҹидиндиндарларынынДиниИҹмасынын 17 октјабр 1997-ҹиилтарихлигејдијјатыләғведилиб.
Хатырладаг ки, “Фатимеји-Зәһра” (сәламуллаһи әлејһа) адына Мәсҹид 2009-ҹу илдә јерли һакимијјәт грумлары тәрәфиндән сөкүлмәк һәдәси илә үзбәүз галса да, лакин халг күтләсинин давамлы етиразлары нәтиҹәсиндә Мәсҹидин сөкүлмәси мәсәләси президент тәрәфиндән инкар едиләрәк, мәһз Илһам Әлијевин ҝөстәриши илә Мәсҹидин тәмир мәсәләси Шејх Аллаһшүкүр Пашазадәјә һәвалә едилмишдир. Амма тәсүфлә гејд етмәлијик ки, бу ҝүнә кими рәсми ҝөстәришин үзәриндән 5 ил кечмәсинә бахмајараг һәлә дә “Фатимеји-Зәһра” (сәламуллаһи әлејһа) адына Мәсҹид бәрбад вәзијјәтдә галмагдадыр.
Диггәт: Хәбәрдән истифадә етдикдә мәнбәјә истинад лазымдыр
