Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн, 18 Октјабр, 2014 тарихдә Јәмән Һуси Шиәләри пајтахт Сәнада, Сәудијјә Әрәбистаны сәфирлији гаршысында топлашараг, гондарма иттиһамларла едама мәһкум олмуш Әрәбистан Шиәләринин бөјүк алими Ајәтуллаһ Шејх Нимр Багир әл-Нимрин тез бир заманда азад едилмәсини тәләб едибләр.
Әлләриндә Калашников силаһы тутмуш Һусиләр аксија заманы АБШ вә сионист исраил режиминә гаршы өлүм шүарлары да сәсләндирибләр.
Гејд едәк ки, өтән чәршәнбә ҝүн, Сәуди Әрәбистан мәһкәмә һакими сахта иттиһамлара әсасланараг Әрәбистан Шиәләринин рәһбәри, 55 јашлы Ајәтуллаһ Шејх Нимр Багир әл-Нимр һаггда едам һөкмү чыхардыб.
Билдирәк ки, Ајәтуллаһ Нимр Багир әл-Нимр һалһазырда Әрәбистанын Гәтиф мәнтәгәсиндә гаршыдурма салмагда вә Бәһрејндә баш верән өзбашналыглара дәстәк олмагда иттиһам олунур.
Хатырладаг ки, Ајәтуллаһ Шејх Нәмр Али Нимр 8 ијул, 2012 тарихдә ҝүнортадан сонра вәһһаби Али Сәуд режим муздурлары тәрәфиндән һәбс едилиб.
Белә ки, онун автомобили илк өнҹә сионистјөнлү Али Сәуд полиси тәрәфиндән атәшә тутулур. Атәш нәтиҹәсиндә јараланан Ајәтуллаһ әл-Нимр автомобилин идарәетмәсини итирәрәк автомобил дивара чырпылмыр. Даһа сонра Али Сәуд полиси ону јаралы олараг автомобилиндән чыхардараг полис автомобилинә јерләшдирәрәк намәлум истигамәтә апарыр.
Ајәтуллаһ Шејх Нәмр Али Нәмр Сәуди Әрәбистан Шиәләринин танынмыш алимләриндән биридир. О, 1959-ҹу илдә Әвамијјә кәндиндә руһани аиләдә дүнјаја ҝөз ачыб. Атасы Бәһрејнин әл-Иһса мәнтәгәсинин танынмыш мүбариз руһаниләриндән бири олуб вә дәфәләрлә Бәһрејн режими тәрәфиндән зиндана салыныб.
Шејх Нәмр өз дини елми савадыны Иран Ислам Республикасынын мүгәддәс Гум шәһәриндә, Дини Елми Һөвзәдә алмышдыр. О, халг арасында зүлм әлејһинә ингилабчы вә атәшли чыхышлары илә таныныр.
Диггәт: Хәбәрдән истифадә етдикдә мәнбәјә истинад лазымдыр
