Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гәдир Хум бајрамы мүнасибәти илә Ләнкәран шәһәр мөминләри “Гала шадлыг сарајы”нда мөһтәшәм бајрам мәрасими тәшкил едибләр.
Мәрасим ачылышыны Гуран гареси Мәшһәди Раһим Гуран тилавәти илә башлајыб. Мүгәддәс ајәләрин тилавәтиндән сонра мәҹлисин апарыҹысы салават зикр сөјләмиш, ардынҹа илаһијјатчы-алим Һаҹы Зүлфүгар Микајылзадә ҝениш нитгилә чыхыш етмиш вә мәрасим иштиракчыларыны, дүнја мүсәлманларыны бу әзиз бајрам ҝүнү мүнасибәтилә тәбрик етмишдир.
Тәдбирдә "Һаггын Сәси" илаһи нәғмәләр групу, шаир-мәддаһ Кәрбәлаји Видади, Кәрбәлаји Тофиг бири-бириндән ҝөзәл шеирләр вә сурудлар сәсләндирибләр.Һәмчинин Гуран дәрси алан ҝәнҹ тәләбәләр мараглы һәдисләр данышараг мәҹлиси даһа да нурани едибләр.
Тәдбирин сонунда Ислам тарихиндән суаллар верилмиш,ҹавабландыран шәхсләрә дәјәрли һәдијјәләр тәгдим едилмишдир.
Бајрам тәдбириндә еһсан сүфрәси верилиб,һазырланмыш торт мәҹлис иштиракчларына пајланыб вә "Фәрәҹ" дуасынын ҹәмлә охунушу илә тәдбир сона чатыб.
Диггәт: Хәбәрдән истифадә етдикдә мәнбәјә истинад лазымдыр
