Гарадәрили jениjетмәләрин полисин әли илә өлдүрүлмә еһтималы ағ һәмjашыдларындан 21 дәфә jүксәкдир.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ полиси гарадәрилиләри ағлардан 21 дәфә чох өлдүрүр
Гарадәрили jениjетмәләрин полисин әли илә өлдүрүлмә еһтималы ағ һәмjашыдларындан 21 дәфә jүксәкдир.  
 “ПроПублиҹа” геjри-һөкумәт тәшкилатынын апардығы jени арашдырмлар буну сүбут етмәкдәдир.
 “ПроПублиҹа” 2010-2012-ҹи илләрдә полислә баш вермиш вә өлүмлә нәтиҹәләнән миндән артыг атышманы арашдырыб. Нәтиҹәләрә ҝөрә, белә һалларын әксәриjjәтиндә 15-19 jаш арасы гарадәрили jениjетмәләр иштирак едиб.
Миссури Университетинин профессору Девиф Клингер билдириб ки, рәгәмләр дәгиг олмаjа биләр, чүнки ФТБ кечирдиjи әмәлиjjатлар һаггында мәлуматларын һамысыны тәгдим етмәjә борҹлу деjил. Анҹаг, профессорун сөзләринә ҝөрә, “чәтин ки, хәта әһәмиjjәтли дәрәҹәдә олсун”.
Тәшкилат һәмчинин полисин өлдүрдүjү орта jашлы кишиләр барәдә әлдә етдиjи мәлуматлары да ачыглаjыр. Афро-американлар арасында орта jаш һәдди 30, ағлар үчүнсә 35 jаш тәшкил едир.
Һәм дә jениjетмәләрә силаһ галдыран, атәш ачан полисләрин 90%-и ағ америкалылар вә jалныз jердә галаны гарадәрили забитләрдир.
Геjд едәк ки, “ПроПублиҹа” ФТБ-нин мәлуматларындакы фактлара әсасланараг бир нечә һәфтә арашдырма апарыб.
Полисин гарадәрили jениjетмәләри гәтлә jетирмәси факты артыг АБШ-да бир нечә дәфә ки, кәскин дискуссиjа, мүбаһисә вә етираз аксиjаларына сәбәб олуб.
Диггәт: Хәбәрдән истифадә етдикдә мәнбәjә истинад лазымдыр