Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Франсанын Иран Ислам Республикасындакы рәсми сәфири Бруно Фоҹер, һәзрәти Фатимәји Мәсумәнин (сәламуллаһи әлејһа) мәзарыны зијарәт едәрәк, һәрәмин мүхтәлиф јерләри илә таныш олуб.
О, ханым Мәсумәнин (сәламуллаһи әлејһа) зијарәтнамәсини охујараг, Әһли Бејт (әлејһим сәлам) Мәктәби ардыҹылларынын зијарәтлә бағлы фәлсәфәси илә таныш олуб.
Ханым Мәсумәнин (әлејһа сәлам) зәриһи кәнарында дурараг, сүлһүн, әминаманлығын бүтүн дүнјада бәрпасы вә Франса халгы илә Иран халгы арасындакы әлагәләринин јахшыласмасы үчүн дуа едиб.
Гејд едәк ки, Бруно Фоҹер зијарәтин сонунда һәрәмин Бејнәлхалг Әлагәләр Шөбәсинин Баш Катиби Һөҹҹәтүл Ислам вәл Мүслимин Руһуллаһ Фатими Нәсәб илә ҝөрүш кечирәрәк, сәфирлијин франсалы туристләрин Гум шәһәринә, һабелә Ханымын зијарәтинә ҝәлмәләри үчүн әлиндән ҝәләни әсирҝәмәјәҹәјинә сөз вериб.
Диггәт: Хәбәрдән истифадә етдикдә мәнбәјә истинад лазымдыр
