ГУРБАН БАЈРАМЫНЫЗ МҮБАРӘК!

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, 5 октjабр Зил-Һәҹҹә аjынын 10-у, фәдакарлыг вә еһсан баjрамы саjылан Гурбан баjрамыдыр

 Бу ҝүн Ислам дининин ән ҝөзәл вә мүгәддәс бир баjрамы бүтүн дүнjа мүсәлманлары тәрәфиндән геjд олунур. Мәнәвиjjатлы халгымыз бу мүгәддәс баjрамы бөjүк севинҹ һисси илә гаршылаjыр вә тәмтәрагла геjд едир. Исламда бу аj хүсуси маһиjjәт вә әһәмиjjәт кәсб едир.
Гурбан баjрамынын әсасында Аллаһа сонсуз севҝи, Онун гүдрәтинә дәрин инам вә иман ишығы дурур. Инсанлары һалаллыға, паклыға сәсләjән Гурбан баjрамынын чох мараглы тарихи вә шәртләри вар. Гурбан баjрамы дәрин тарихә маликдир вә һәр ил дүнjа мүсәлманлары тәрәфиндән геjд едилир. Бу баjрам өзү илә һамыjа сафлыг, тәмизлик ҝәтирир.
Мүсәлман дүнjасынын ән мүгәддәс баjрамларындан саjылан Гурбан баjрамы бүтүн мүсәлман өлкәләриндә тәмтәрагла геjд олунур. Азәрбаjҹан мүстәгиллик әлдә етдикдән сонра Милли Мәҹлисин гәбул етдиjи 1992-ҹи ил 27 октjабр тарихли "Азәрбаjҹан Республикасынын баjрамлары һаггында" Ганунуна әсасән Гурбан баjрамы өлкәмиздә дә дөвләт сәвиjjәсиндә баjрам едилир. Бу ил дә бу мүгәддәс баjрам өлкәмиздә геjд олунаҹаг.
Геjд едәк ки, бөjүк Ислам алимләри дә баjрам ҝүнүнүн тарихи илә бағлы өз фикрләрини билдирдиләр. Беләки, 5 октjабр Зил-Һәҹҹә аjынын 10-у, фәдакарлыг вә еһсан баjрамы саjылан Гурбан баjрамы ҝүнү геjд едиләҹәк.
Геjд едәк ки, дүнjада jүз милjонларла мүсәлман һәр һиҹри гәмәри илинин зил-һәҹҹә аjынын 10-ҹу ҝүнүнү Гурбан баjрамы кими геjд едирләр. Бу баjрам, Ибраһим пеjғәмбәр (ә) өз оғлу Исмаили (ә) Мәккә шәһәриндә jерләшән Минада гурбан кәсмәк үчүн Аллаһдан әмр алмасы вә Аллаһын онун бу имтаһандан уғурла чыхмасындан сонра оғлу Исмаилин (ә) әвәзиндә бир гоч ҝөндәрмәси илә әлагәдар кечирилир.
Диггәт: Хәбәрдән истифадә етдикдә мәнбәjә истинад лазымдыр