Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Франсаjа нота вериб
Сәбәб Франса Милли Ассамблеjасынын үзвү Франсуа Рошблуанын Азәрбаjҹанын ишғал олунмуш әразиләринә ганунсуз сәфәридир
Франса Милли Ассамблеjасынын үзвү Франсуа Рошблуанын Азәрбаjҹан Республикасынын ишғал олунмуш әразиләринә сәфәри вә 23-26 сентjабр тарихләриндә Парисдә кечирилмиш беjнәлхалг туризм сәрҝисиндә Ермәнистана аид павилjонда гондарма Дағлыг Гарабағ режиминин дә тәмсил олунмасы илә әлагәдар Азәрбаjҹан Республикасынын Франсадакы сәфирлиjи тәрәфиндән Франсанын Хариҹи Ишләр Назирлиjи, Франса Милли Ассамблеjасы вә туризм сәрҝисинин тәшкилатчысы олан ширкәтә мүвафиг олараг етираз нотасы вә мәктублары ҝөндәрилиб.Бу барәдәАзәрбаjҹан Хариҹи Ишләр Назирлиjинин мәтбуат хидмәтинин рәһбәри вәзифәсини иҹра едән Һикмәт Һаҹыjев мәлумат вериб.Һ. Һаҹыjев билдириб ки, Франса президенти Франсуа Олландын тәшәббүсү илә бу илин октjабр аjынын сонунда Франсада Азәрбаjҹан вә Ермәнистан президентләринин ҝөрүшүнүн кечирилмәси әрәфәсиндә Ермәнистан, Франсадакы ермәни диаспору вә онун билаваситә тәсири алтында олан Франсуа Рошблуан кими шәхсләр тәрәфиндән мәгсәдjөнлү шәкилдә белә геjри-гануни әмәлләрә jол верилмәси илк нөвбәдә Франсаjа гаршы төрәдилмиш тәхрибатчылыг ҹәһдидир: “Ермәнистан вә Франсадакы ермәни диаспорунун тәсири алтында олан вә шовинист вә иргчи бахышлара малик Франсуа Рошблуан Азәрбаjҹан Республикасынын ишғал олунмуш әразиләриндә Ермәнистан тәрәфиндән jарадылмыш гондарма режимлә гурдуғу тәмасларла сепаратизм, етник тәмизләмә, инсанлыға гаршы ҹинаjәтләр, ишғал вә тәҹавүзүн тәшвигинә рәваҹ верир”.
Диггәт: Хәбәрдән истифадә етдикдә мәнбәjә истинад лазымдыр
