Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Исламазери.аз-ын редаксијасына АИП лидери Һаҹы Мөвсүм Сәмәдовун јениҹә көчүрүлдүјү 12 сајлы ҸЧМ-дә ҹәримә камерасына салындығы вә буна етираз олараг аҹлыг аксијасына башладығы барәдә мәлумат дахил олуб.
12 ил һәбсә мәһкум едилмиш АИП лидеринин аиләси Азәрбајҹанда олмадығындан мәлуматы аиләси илә дәгигләшдирә билмәдик.
Мәлуматы дәгигләшдирмәк үчүн Һаҹы Мөвсүм Сәмәдовун вәкили Анар Гасымлы илә әлагә сахладыг. Вәкил билдирди ки, һадисәдән хәбәрдардыр: “Мәнбәси дәгигдир. Амма мән она истинад едиб дејә билмәрәм. Белә бир мәлумат мән дә ешитмишәм. Дәгигләшдирмәјә чалышырам.”
Әдлијјә Назирлијинин пенитенсиар хидмәтинин иҹтимаијјәтлә әлагәләр шөбәсиндән Исламазери.аз-а билдирилиб ки, “Биз кечән дәфә дә Мөвсүм Сәмәдовун јеринин дәјишдирилмәси мәсәләси илә бағлы билдирдик ки, мәһкумун јердәјишдирилмәси, онун барәсиндә тәсдиг олунан тәнбеһ тәдбирләри илә бағлы пентенсиар хидмәт ҹәзаны иҹра едән орган олараг мәлумат вермәк һүгугуна малик дејил. Ҹәза иҹра мәҹәлләсинин 16-ҹы маддәси буну бир баша гадаған едир. Бу хәбәрләр мәһкумун өзүнүн разылығы илә онун јахын аилә үзвләринә вә вәкилинә билдирилир.”
Диггәт: Хәбәрдән истифадә етдикдә мәнбәјә истинад лазымдыр
