Михаил Саакашвилинин банк һесабларына һәбс гоjулуб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ҝүрҹүстанын сабиг президенти Михаил Саакашвилинин өлкәдә олан бүтүн банк һесабларына һәбс гоjулуб
бу барәдә онун вәкили Отар Кахидзе билдириб.
Геjд едәк ки, Ҝүрҹүстанда  М.Саакашвилиjә гаршы бир нечә иттиһам ирәли сүрүлүб. Сентjабрын 19-да  Ҝүрҹүстан Баш Прокурорлуғу Саакашвилинин истинтагдан jаjындығына ҝөрә әмлакына һәбс гоjулдуғуну елан едиб. Вәкилин сөзләринә ҝөрә, һәбс Саакашвилинин шәһәркәнарындакы евинә, һәмчинин, онун jолдашынын, анасынын вә нәнәсинин евләринә вә автомобилләринә гоjулуб.
Михаил Саакашвили, өз нөвбәсиндә, аиләсинин әмлакынын һәбсиндә Бидзина Иванишвилини ҝүнаһландырараг, һәбс фактыны гануна зидд аддым адландырыб.  
Геjд едәк ки,  Михаил Саакашвили jени президент Ҝеорҝи Маргвелашвилинин инугурасиjасындан дәрһал сонра өлкәни тәрк едиб вә о вахтдан бир даһа ҝери дөнмәjиб.
Баш прокурорлуг Саакашвилинин беjнәлхалг ахтарыша верилмәси проседуруна башлаjыб. Һазырда АБШ-да jашаjан екс-президент Ҝүрҹүстанда она вә онун тәрәфдарларына гаршы сиjаси тәгиб һәjата кечирилир.
Диггәт: Хәбәрдән истифадә етдикдә мәнбәjә истинад лазымдыр