НАТО кечмиш совет республикаларынын суверенлик һагларыны мүдафиә едәҹәк

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,  НАТО кечмиш совет республикаларынын әрази бүтөвлүjү вә суверенлик һагларыны мүдафиә едәҹәк
бу барәдә Шимали Атлантика Алjансынын Уелсин Нjупорт шәһәриндә гәбул етдиjи Бәjаннамәдә деjилир.
“Украjнада баш верән һадисәләр НАТО-нун Шәрги Авропадакы тәрәфдашларында бөjүк нараһатчылыг jарадыб. Алjанс тәрәфдашларынын хариҹи сиjасәт вә тәһлүкәсизлик саһәсиндә мүстәгил сечим һүгугуну мүдафиә етмәкдә давам едәҹәк”, сәнәддә геjд едилир.
Һәмчинин сәнәддә билдирилир ки, НАТО Азәрбаjҹанын, Ҝүрҹүстанын, Ермәнистанын вә Молдованын әрази бүтөвлүjү вә суверенлиjинин мүдафиәси илә бағлы өһдәликләринә садиг олараг галыр. Бәjаннамәдә вурғуланыр ки, һазыркы шәраитдә НАТО Ҹәнуб Гафгазда вә Молдовада мүнагишәләрин динҹ jолла низамланма сәjләрини дәстәкләмәкдә давам едәҹәк.
Диггәт: Хәбәрдән истифадә етдикдә мәнбәjә истинад лазымдыр