Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, артыг бир нечә һәфтәдир ки, Јәмән Шиәләри мөвҹуд дөвләтин нашы сијасәтләринә етираз аксијаларыны шиддәтләндирибләр. Белә ки, өтән Ҹүмә ҝүнү 100 минләрлә Шиә пајтахт Сәнада топлашараг сүлһмәрамлы аксија кечиртмәклә һазыркы дөвләтин истефасыны тәләб едибләр.
Дөвләт мүхалифәтчиләри Ҹүмә Намазыны гылдыгдан сонра Сәнанын Аерапорт хијабанында етираз аксијасына старт верибләр.
Һуси һәракатынын рәһбәри Әбдүл Мәлик тәрәфиндән тәшкил олунан бу аксијада етиразчылар өлкәдә игтисади дурумун јахшылашдырылмасынын вә һабелә мөвҹуд дөвләтин истефа вермәсини тәләб едибләр.
Гејд едәк ки, етираз аксијаларынын јаранмасына әсас сәбәб Јәмән дөвләтинин јанаҹагла бағлы олан халга вердији јардымы дајандырмасы олмушдур.
Билдирәк ки, Шиәләрин етираз аксијасы кечиртмәкләри илә јанашы дөвләт тәрәфдарлары да Сәнанын әл-Ситтин хијабанында мөвҹуд дөвләтә дәстәк үнванында аксија кечирдибләр.
Диггәт: Хәбәрдән истифадә етдикдә мәнбәјә истинад лазымдыр
