Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, танынмыш илаһијјатчы алим өтән ҝүн сахландығы 12 сајлы ҹәзаәкмә мүәссисәсиндә она гаршы олунан һагсызлыгларла бағлы өлкә иҹтимаијјәтинә мүраҹиәт јајыб.
Мүраҹиәтдә билдирилир:
“Азәрбајҹан һәбсханаларында мәһбуслара гаршы мүнасибәт, Пенитенсиар Хидмәт гуллугчуларынын онларла давраныш тәрзи һамыја бәллидир. Онларын ҝөзүндә мәһбус, санки Кәлбәҹәрдә әлә кечирилмиш ермәни диверсантыдыр. Фәрз едәк ки, һансыса мәһбус һәгигәтән дә ҹинајәт әмәли төрәдиб вә өз ҹәзасыны алыб. Амма бу, һеч бир һалда онун өз инсани вә гануни һагларындан мәһрум едилмәсинә сәбәб ола билмәз.
Тәбии ки, бу сырада сијаси вә виҹдан мәһбусларына гаршы мүнасибәт, онларын һүгугларынын позулмасы, онлара гаршы кобуд мүнасибәт, физики вә психоложи басгылар диҝәрләрининкиндән фәргләнир. Онларын һәбсинин мотиви кими, һәбсханада онлара гаршы давам едән һагсызлыглар да сијаси характер дашыјыр.
Һәбси сијаси сифариш әсасында ҝерчәкләшмиш шәхсләрдән бири кими мән, Тале Бағырзадә дә бу јазылмамыш “ганун”дан кәнарда галмамышам вә галмырам.
Истәр сахланыларкән, истәрсә дә сонракы мәрһәләләрдә шәхсимә гаршы едилән һагсызлыглар, мәнә гаршы едилән физики вә мәнәви зоракылыглар заман-заман мәтбуатда ишыгландырылыб.
Амма бу дырнагарасы мүнасибәт һәлә дә давам етмәкдәдир. Һазырда сахланылдығым 12 сајлы ҹәзачәкмә мүәссисәсинин рәһбәрлији тәрәфиндән һүгугларым мәһдудлашдырылыр. Белә ки, ганунла иҹазә верилсә дә, јахынларымла ҝөрүшүмә иҹазә верилмир, һәтта бәзән ҝәтирилән совгаты белә ҝүҹ-бәла илә гәбул едирләр. Мүәссисәнин рәһбәри Рауф Мәммәдов буну Президент Админстрасијасы, МТН вә Пенитенсиар Хидмәт рәһбәрлији тәрәфиндән верилән сифаришлә әлагәли олдуғуну билдирир вә беләҹә мәсулијјәти өз үзәриндән атмаг истәјир.
Оладабилсинки, һәгигәтәнјухарылардансифаришверилиб. Анҹаг Күрдәханы тәҹридханасында олдуғум заман јахынларымла ҝөрүшмәјимдә, совгатын чатдырылмасында һеч бир манеә јох иди. Онда белә чыхыр ки, Азәр Сејидов өз карјерасыны рискә атараг јухарыларын тапшырығына мәһәл гојмурду, јахуд да ки, Рауф Мәммәдов һакимијјәтә јарынмаг үчүн дәридән-габыгдан чыхыр?!
Истәнилән һалда, мән, шәрләнәрәк һәбс олунан бириси кими вә һарадан гајнагландығындан асылы олмајараг бүтүн бу ганунсузлугларын, өзбашыналыгларын дәрһал дајандырылмасыны тәләб едирәм.”
Диггәт: Хәбәрдән истифадә етдикдә мәнбәјә истинад лазымдыр
