Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, Бакы вахты илә 22:00-да Фәләстин торпагларыны ишғал етмиш ганунсуз јәһуди режими Һәмас Тәшкилатынын ортаја гојдуглары шәртләри, о ҹүмләдән Гәззә Золағынын мүһасирәдән азад олмасыны, һәмчинин Фәләстин Халгынын бүтүн истәкләри һаггда данышыглар апармасына там һазыр олдуғуну елан етмәклә, Гәззә илә апардығы 50 ҝүнлүк мүһарибәдә рәсмән мәғлуб олдуғуна етираф етди.
Бөјүк Гәләбә бајрамы илә әлагәдар минләрлә фәләстинли Гәззәдә Мәсҹид вә хијабанлара чыхараг уҹадан тәкбир (Аллаһу Әкбәр) дејәрәк бу бајрамы бир-бириләринә тәбрик әрз едибләр.
Исмаил Һәнијјә сионист режимә гаршы гәләбә чалмағы Уҹа Аллаһын иши олдуғу вә Гәззә Золағында јашајан халгын сәбр етмәләри сајәсиндә әлә ҝәлдијини ачыглајараг, сијаси аренада заһир олан фәләстинли дипломатлара сәмими тәшәккүрүнү билдириб.
Һәмасын спикери Сами Әбу Зәһра да өз нитгиндә тәкид едәрәк билдириб: “Бизим Гәләбәмиз Гәззәнин мүһасирәдән азад олмасында дејил. Гәләбәмиз Гүдсүн Азад Олмасы үчүн лазымы зәрфијјәтләрин әмәлә ҝәлмәсиндәдир.”
О даһа сонра билдириб: “Бу ҝүн биз, Гәззә Золағынын ишғалчы режимә гаршы Гәләбә чалдығыны елан едирик вә билдиририк ки, биз, тәпәдән дырнаға кими силаһланмыш бир орду үзәриндә Гәләбә газандыг. Биз бу Гәләбәни илк өнҹә Аллаһ Тәалаја, даһа сонра исә Гәззә Золағында јашајан халгын ҝөстәрдикләри сәбр вә мүгавимәтә, һабелә башда Иззуддин Гәссам бригадасы олмагла бүтүн гәһрәман Фәләстин Мүгавимәт бригадаларына борҹлујуг.”
Һәмасын рәсми спкери һәмчинин билдириб: “Сионист дүшмән гүввәләри бу мүһарибәни өз тарихиндә ән узун вә ағыр бир мүһарибә олдуғуну ачыглады, биз исә бу мүһаринәнин Галибләријик.”
Хатырладаг ки, Үмүмдүнја Мүсәлманларын Али Рәһбәри һәзрәти Ајәтуллаһ Сејјид Әли Хаменеи ҹәнаблары дәфәләрлә ишғалчы режимин јер үзәриндән әбәди олараг силинәҹәјинә вурғулајыб. Белә ки, чыхышларында билдириб: “Гәрб вә һарамзадә исраил режими гаршысында Мүгавимәт ҝөстәрмәк сонда Гәләбә илә нәтиҹәләнәк.”
Диггәт: Хәбәрдән истифадә етдикдә мәнбәјә истинад лазымдыр
