Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Дәмәшгин Тәһлүкәсизлик Назирлијиндәки сәлаһијјәтли бир гајнаг билдириб: Дәмәшг әјаләтинин Мадаја бөлҝәсиндә силаһларыјла бирликдә, әлагәдар Тәһлүкәсизлик Органларына тәслим олан 254 вәтәндаш Милли Барышыг Комитәләринин ҝөстәрдикләри сәјләријлә гануни вәзијјәтләрини дәгигләшдирдикдән сонра сәрбәст бурахылыблар.
Гејд олунан мәнбә, сөзү ҝедән шәхсләрин сәрбәст бурахылмаларындан әввәл јенидән Милли Тәһлүкәсизлији тәһдид едәҹәк һәр һансы бир һәрәкәтә гошулдуглары тәгдирдә ганун гаршысында ҹавабдеһ олдуглары илә бағлы өһдәлик имзаладыгларыны сөјләјиб.
Һәмчинин билдирилир ки, бу ҝүн, Милли Барышыға гатылараг гануни вәзијјәтләринин дүзәлдилмәси мәгсәдијлә Дәмәшг вә әтраф бөлҝәләриндә даһа 181 адам силаһларыјла бирликдә Дөвләт Гүввәләринә тәслим олуб.
Гејд едәк ки, дүнән Дәмәшгин Вади Барада бөлҝәсинин Бисејма мәнтәгәсиндә 180 адамын Милли Барышыға ҝәләрәк тәслим олмаларыјла, Август ајында Мадаја, Бисејма, Зәбадани, Кәнакир вә Бејт Сәһм бөлҝәләриндә силаһларыјла тәслим оланларын сајы 800 нәфәри өтмүшдүр.
Диггәт: Хәбәрдән истифадә етдикдә мәнбәјә истинад лазымдыр
