Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Фәләстин торпагларыны ишғал етмиш ганунсуз исраил режиминин Гәзза секторуна етдији 49 ҝүнлүк һүҹумларынын давамында, ишғалчы режимин АБШ-дан јардым алдығы гырыҹы тәјјарәләри илә Гәззәнин мүхтәлиф бөлҝәләринә тәшкил етдији сонҹу бомбардман нәтиҹәсиндә 2 фәләстинли Шәһид, 20-дән чох адам јараланыб.
Фәләстинин МАА хәбәр аҝентлијинин билдилдирдијинә ҝөрә, ишғалчы режимин гырыҹы тәјјарәләри Гәзза Золағынын шимал гәрбиндә јерләшән әл Фејруз мәнтәгәсини одлу силаһлар илә һәдәф алмасы нәтиҹәсиндә даһа 2 фәләстинли Шәһид дүшмүш, 10 вәтәндаш исә јараланмышдыр.
Гәзза Золағынын ҹәнубунда јерләшән Рәфаһ шәһәриндә исә, јәһуди ишғалчылары шәһәрин ән ишләк тиҹарәт мәркәзләриндән бирини ағыр силаһлар илә һәдәфә алараг 6 фәләстинлини јараламыш, гејд олунан тиҹарәт мәркәзини исә јерлә јексан етмишдир.
Ишғалчы сионист гүввәләринин Гәзза шәһәринин гәрбиндә јерләшән әл Ҝалајини аиләсинин евини һәдәфә алмалары нәтиҹәсиндә исә 6 фәләстинли јараланмышдыр.
Јәһуди ишғалчыларына мәхсус гырыҹы тәјјарәләрин Дәјр әл Бәлаһ, әл Бәрәкә бөлҝәсиндә һәјата кечиртдикләри диҝәр бир террор әмәлијјатында исә, Фәләстинлилләрә аид бир јашајыш еви тамамилә дағыдылмышдыр. Хошбәхтчиликдән террор һадисәси заманы ҹанлы итки олмамышдыр.
Фәләстинлиләрин әл Мәғази гачгын дүшәрҝәсиндә дә бир ев јәһуди ифратчылары тәрәфиндән дағыдылараг 1 фәләстинли јүнҝүл јараланмышдыр...
Ишғалчы исраил режиминин Гәзза бөлҝәсинә гаршы 49 ҝүн давам едән һүҹумлары нәтиҹәсиндә бу ана гәдәр чохлу сајда ушаг вә гадынлардан ибарәт олан 2103 силаһсыз фәләстинли Шәһид олмуш, 10500-дән чох инсан исә јараланмышдыр. Бунунла јанашы Фәләстинлиләрин ев вә мүлкләри вә Золағын стратежи јерләри дағыдылмышдыр.
Диггәт: Хәбәрдән истифадә етдикдә мәнбәјә истинад лазымдыр
