Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мүдафиә Назирлиjи билдирир ки, ҹәбһәнин мүхтәлиф истигамәтләриндә сутка әрзиндә атәшкәс режими үмумиликдә 20 дәфә позулуб
Назирлиjин мәтбуат хидмәтиндән Исламазери.аз-а верилән мәлумата ҝөрә, ермәни силаһлы бөлмәләри дүнән вә бу ҝеҹә Ермәнистан Республикасынын Иҹеван раjонунун Паравакар кәндиндә jерләшән мөвгеләрдән Ағстафа раjонунун Көһнәгышлаг кәндиндә, Берд раjонунун әразисиндәки адсыз jүксәкликләрдә jерләшән мөвгеләрдән Товуз раjонунун Коханәби кәндиндә jерләшән мөвгеләримизи атәшә тутублар.
Ноjемберjан раjонунун әразисиндәки адсыз jүксәкликләрдә вә Довех кәндиндә jерләшән мөвгеләрдән Газах раjонунун әразисиндәки адсыз jүксәкликләрдә вә Кәмәрли кәндиндә jерләшән мөвгеләримиз дә атәшә мәруз галыб.
Ағдам раjонунун Мәрзили, Шыхлар, Шураабад, Ҹәваһирли, Фүзули раjонунун Ашағы Веjсәлли, Тәртәр раjонунун Чаjлы кәндләри jахынлығында, Хоҹавәнд вә Ҝөjҝөл раjонларынын әразисиндәки адсыз jүксәкликләрдә jерләшән мөвгеләрдән дә Силаһлы Гүввәләримизин мөвгеләри атәшә тутулуб.
Дүшмән ҹаваб атәши илә сусдурулуб
Islamazeri.az
Диггәт: Хәбәрдән истифадә етдикдә мәнбәjә истинад лазымдыр
