“Јалныз бир сәһв аддым һәр шеjи мәһв едә биләр”

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу ҝүн Азәрбаjҹан функсионал демократик тәсисатлара малик олан өлкәдир. Биз демократиjанын вә ганунун алилиjинин инкишаф етдирилмәси, еләҹә дә фундаментал азадлыгларын тәмин едилмәси үчүн бир чох сәjләр ҝөстәририк. Һесаб едирәм ки, бу истигамәтдә бөjүк мүвәффәгиjjәтләр газанмышыг. Азәрбаjҹанда бүтүн фундаментал азадлыглар - топлашмаг, тәшкилатланмаг, ифадә, медиа азадлыглары тәмин едилир. Азәрбаjҹанда jүзләрлә чап медиасы вардыр, интернет азаддыр, әһалимизин 70 фаиздән чоху интернет истифадәчисидир”.
Ахар.аз хәбәр верир ки, бу сөзләри Президент Илһам Әлиjев АТӘТ Парламент Ассамблеjасынын Бакыда кечирилән иjирми үчүнҹү иллик сессиjасынын иjунун 28-дә баш тутан пленар иҹласынын ачылыш мәрасиминдәки чыхышында деjиб.
Президент билдириб ки, бүтүн бу уғурлар jалныз игтисади ислаһатларын апарылмасы илә деjил, һәм дә мүасирлик мәгсәдимиздәдир. “Биз олдугҹа гыса вахтда мүасир, өзүнә архаланан өлкә гурмушуг” деjән Илһам Әлиjев АТӘТ вә диҝәр беjнәлхалг тәсисатлар гаршысында ҝөтүрдүjүмүз өһдәликләрин вә апардығымыз әмәкдашлығы планлашдырдығымыз бүтүн ишләри иҹра етмәjә имкан jарадаҹағыны сөjләjиб.
Азәрбаjҹанын һазырда етибарлы тәрәфдаш саjылдығыны билдирән Президентин сөзләринә ҝөрә, етимад һәр ҝүн горунмалыдыр:
“Јалныз бир сәһв вә jа jанлыш аддым бу етимады мәһв едә биләр. Буна ҝөрә дә беjнәлхалг иҹтимаиjjәтин бир чох үзвләри, хүсусән Авропа өлкәләри илә фәал икитәрәфли мүнасибәтләр бизим приоритетләримиздән биридир. Бу сөзләри һәм дә диҝәр гитәләрдә олан өлкәләрә дә шамил етмәк олар”.
Даһа сонра Дағлыг Гарабағ проблеминә тохунан Президент БМТ гәтнамәләринә диггәт чәкиб вә кағыз үзәриндә галан гәрарларын беjнәлхалг тәшкилатлара олан етимады азалтдығыны вурғулаjыб:
“Нәзәрә алмаг лазымдыр ки, һазыркы Ермәнистан дөвләти Азәрбаjҹан торпаглары һесабына jарадылыб. АТӘТ ишғал едилән әразиләрә ики миссиjа езам едиб. Һәр икиси - фактарашдырыҹы вә гиjмәтләндирмә миссиjалары ишғал едилән әразиләрдә һәр шеjин там дағыдылдығыны геjд едибләр. Бу, өлү зонадыр. Шәһәрләримиз jерлә jексан олунуб, тарихи абидәләримиз дағыдылыб, мәсҹид вә гәбиристанлыгларымыз ермәниләр тәрәфиндән мәһв едилиб. Бу, фактарашдырыҹы вә гиjмәтләндирмә миссиjалары тәрәфиндән етираф олунур. Биз бу тәшәббүсләрә ҝөрә АТӘТ-ә миннәтдарыг. Лакин jенә дә бу һесабатлар мүнагишәнин һәллиндә һеч бир рол оjнамыр. Биз мүнагишәнин низамланмасына наил олмалыjыг. Бу, бизим өлкәмизә, халгымыза, гачгынларымыза лазымдыр. Реҝион буна еһтиjаҹ дуjур. Чүнки Ермәнистан-Азәрбаjҹан мүнагишәси реҝион үчүн әсас тәһлүкә мәнбәjидир. Ҝәрҝинлиjин азалдылмасы, етимад доғуран механизмләрин jарадылмасы вә етимад доғуран тәдбирләрин ҝүҹләндирилмәси үчүн ән мүнасиб jол ермәни гошунларынын Азәрбаjҹан әразиләриндән чыхарылмасынын башланмасы ола биләр”.
Проблемә бахмаjараг, игтисади инкишаф динамизминдән данышан И.Әлиjев сон 10 илдә Азәрбаjҹана 170 милjард доллар мәбләғиндә сәрмаjә jатырылдығыны вурғулаjыб:
 
“Кечән ил бу ҝөстәриҹи 28 милjард доллар олуб. Бу рәгәмин 70 фаизи jерли, 30 фаизи исә хариҹи сәрмаjәдир”.
Axar.az
Диггәт: Хәбәрдән истифадә етдикдә мәнбәjә истинад лазымдыр