Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 2014-ҹү ил ијун ајынын 2-дә Тәбриздә Иран Ислам Республикасынын милли гәһрәманы Сәттарханын евиндә Иран Ислам Инсан Һаглары Комитәсинин тәшкил етдији “Ислам дининдә вә гәрб мәдәнијјәтиндә инсан һагларынын горунмасы” ады алтында Тәбризин ән танынмыш һүгугшүнасларынын иштиракы илә елми семинар кечирилмишдир.
Семинар әслиндә, Азәрбајҹан Республикасында Һиҹаб вә Һиҹаб Гадағасы Мәһбусларынын Мүдафиә Комитәсинин “Исламчы Мәһбусларла Һәмрәјлик” онҝүнлүјү програмларына дәстәк олараг тәшкил олунмушду.
Семинарда иштирак үчүн Һиҹаб вә Һиҹаб Гадағасы Мәһбусларынын Мүдафиә Комитәсинин сәдри, Бејнәлхалг әл-Мустафа (с) Университетинин Гуран вә һүгуг факүлтәсинин докторанты, Һөҹҹәтүл-Ислам Фаиг Вәлизадә дә дәвәт олунмуш, чыхышында Азәрбајҹанда һаглары позулмуш исламчы мәһбуслар һагда мәрузә етмиш, онларын тезликлә һәбсдән азад едилмәсинин ваҹиблијини билдирмишдир.
Чох ҝениш аудиторијанын иштиракы илә баш тутмуш семинарда чыхыш едән танынмыш һүгугшүнаслар Азәрбајҹандакы Ислам мәһбусларынын һагларыны мүдафиә етмиш вә онларын дәрһал азад олунмасыны тәләб елмишләр.
Мүдафиә Комитәсинин Мәтбуат Шөбәси
2014-06-03
Һиҹаб.орҝ
Диггәт: Хәбәрдән истифадә етдикдә мәнбәјә истинад лазымдыр
