Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һиҹри гәмәри тарихи илә, 38-ҹи ил Шәбан ајынын 05, милади тарихинин 2014, ијун ајынын 03-нә тәсадүф едән ҝүн, 14 Мәсумлардан алтынҹысы олан, бәшәријјәтин дөрдүнҹү Имамы, Әли ибни Һүсејнин (әлејһимәс сәлам) тәвәллүд ҝүнүнә тәсадүф едир.
Биз АБНА олараг дүнја Мүсәлманларынын бу севинҹинә гошулур вә бәнзәрсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) һәзрәтләри вә онун һагг наиби Имам Хаменеи ҹәнаблары олмагла бүтүн бәшәријјәти сәмими гәлбдән тәбрик едирик. Бир даһа бајрамыныз мүбарәк!
Имам Зејнул Абидинин (әлејһи сәлам) һәјатына гыса бахыш
Һиҹри тәгвими илә 38-ҹи ил, шәбан ајынын бешинҹи ҝүнү һәзрәт Имам Сәҹҹад (әлејһи сәлам) Мүгәддәс Мәдинә шәһәриндә дүнјаја ҝөз ачды. Имам Әли ибн Һүсејн (әлејһимә сәлам) Шиәләрин 4-ҹү Имамы Һәзрәт Һүсејн ибн Әлинин (әлејһимә сәлам) оғлудур. Анасы Иран императору үчүнҹү Јәздәҝирдин гызы һәзрәт Шәһрәбанудур (әлејһа сәлам). О, доғуш заманы дүнјадан көчдү. Она ҝөрә дә көрпәни сахламаг, диҝәр бир дајәнин өһдәлијинә дүшдү.
Имам Әли ибн Һүсејнин (әлејһимә сәлам) ән мәшһур ләгәби Зејнүл Абидин вә Сәҹҹаддыр. Имам Сәҹҹад (әлејһи сәлам) ушаглыг илләрини Мәдинә шәһәриндә кечирмишдир. О, тәхминән 2 ил бабасы һәзрәти Имам Әлинин (әлејһи сәлам) һакимијјәт илләрини ҝөрмүш, ондан сонра исә 10 ил әмиси һәзрәт Имам Һәсәнин (әлејһи сәлам) Имамәт дөврүнү дәрк етмишдир. Елә бу сәбәбдән дә Имам Зејнул Абидин (әлејһи сәлам) Риҹал Елми бахымындан Табеин мәртәбәсиндә ән уҹа мәгамда дуран шәхсдир.
Һиҹрәтин 50-ҹи или Имам Һәсәнин (әлејһи сәлам) Шәһадәтиндән сонра Аллаһын әбәди гәзәбинә дүчар олмуш Мүавијәнин һакимијјәтинин мөһкәмләндији бир дөврдә онунла мүбаризә апаран атасы Имам Һүсејн (әлејһи сәлам) илә 10 ил чијин-чијинә дурмушдур. Һиҹрәтин 61-ҹи илинин мәһәррәм ајында атасынын Ингилаб вә Шәһадәти заманы Кәрбәлада олмушдур. Кәрбәла фаҹиәсиндән сонра диҝәр Әһли Бејт (әлејһим сәлам) әсирләри илә бирликдә Куфәјә, сонра исә Шама әсир апарылмышдыр. Бу сәфәрдә о, мүсибәт вә чәтинликләр заманы диҝәр әсирләрин пәнаһы вә һимајәдары олмушдур. О, бу сәфәр заманы өз мәтин чыхышлары илә мәлун Језидин һакимијјәтини рүсвај етди вә Шамдан гајытдыгдан сонра Мәдинә шәһәриндә јашамаға башлады. Нәһајәт һиҹрәтин 94-ҹү ја да 95-ҹи или Шәһадәтә говушду. Имам Зејнул Абидин (әлејһи сәлам) Мәдинә шәһәриндәки Бәги гәбиристанлығында әмиси Имам Һәсәнин (әлејһи сәлам) гәбринин кәнарында дәфн олунмушдур.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
