Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Маjын 22-дә ахшам саатларында 100 нәфәрә jахын Һөкмәли кәнд сакини Бакы-Шамахы jолуну бағлаjараг етираз аксиjасы кечириб. адамлар маjын 18-дә һәбс олунан кәнд сакини Расим Ҹәбраjыловун тәҹридханада сәһһәтиндән писләшмыәсиндән нараһатдырлар.Сахланан Расим Ҹәбраjыловун оғлу Кәнан Ҹәбраjиловун дедиjинә ҝөрә, 4 ҝүн әввәл атасыны Дахили Ишләр Назирлиjинин Мүтәшәккил Ҹинаjәткарлыға Гаршы Мүбаризә Идарәсинә дәвәт едибләр вә даһа сонра онун сахландығыны билдирбләр: “Атамы ниjә тутублар - полис бизә һеч бир сөз демир. Бир мүддәт әввәл евдә инфаркт кечирмишди. Дүнән дә полис тәҹридханасында инфарк кечириб вә бәдәнин бир тәрәфи ифлиҹ олуб.
Апарыблар Дахили Ишләр Назирлиjинин һоспиталына. Нә онун сәһһәти илә бағлы бизә мәлумат вериләр, нә дә имкан верирләр ки, өзүмүз ону мүалиҹә етдирәк. Һазырда атамын реанимасиjа шөбәсиндә олдуғуну деjирләр. Билдирирләр ки, вәзиjjәти чох ағырдыр. Амма һеч биримизи jанына бурахмырлар”.
Кәнан Ҹәбраjыловун дедиjинә ҝөрә, кәнд гадынлары да Бакыда, һоспиталын гаршысындакы jолу бағламаға ҹәһд едибләр: "Атам кәнддә һөрмәт олунан бир адамды. Хырда тиҹарәтлә мәшғул олур. Онун һәбс олунмасы вә инфарк кечирмәси кәнд сакинләриндә наразылыг jарадыб”.
Һәлә ки, Дахили Ишләр Назирлиjиндән мәсәләjә һәр һансы мүнасибәт өjрәнмәк мүмкүн олмаjыб.
Бир гәдәр сонра полис аксиjачылары jолдан кәнарлашдырыб.
Islaminsesi.az
Диггәт: Хәбәрдән истифадә етдикдә мәнбәjә истинад лазымдыр
23 may 2014 - 04:21
Xəbər kodu: 610644
Маjын 22-дә ахшам саатларында 100 нәфәрә jахын Һөкмәли кәнд сакини Бакы-Шамахы jолуну бағлаjараг етираз аксиjасы кечириб. адамлар маjын 18-дә һәбс олунан кәнд сакини Расим Ҹәбраjыловун тәҹридханада сәһһәтиндән писләшмыәсиндән нараһатдырлар
