Азәрбаjҹан 37-ҹи ил тәфәккүрү илә идарә олунур

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан 37-ҹи ил тәфәккүрү илә идарә олунур "Һәлә һеч вахт Азәрбаjҹанда инсанлары һәбс етмәк, тәһгир етмәк, алчалтмаг, Илһам Әлиjевин ониллиjиндә олдуғу кими, бу гәдәр асан олмамышды"
Һөрмәтли охуҹулар, Сизә тәгдим едилән бу jазыда Демократик Гүввәләрин Милли Шурасынын сәдри, президентлиjә кечмиш намизәд, профессор Ҹәмил Һәсәнли сон дөврләрдә өлкәмиздә ҹәрәjан едән просесләрә фикир вә мүлаһизәләрини билдириб. Јазыда өлкәмиздә демократиjа проблемләри, сиjаси мәһбус, һакимиjjәт органларынын jарытмаз фәалиjjәти вә саир мәсәләләрә тохунулуб.

“Сәфирә гаршы кампаниjа сәбәбсиз деjил”
Америка Бирләшмиш Штатларынын Азәрбаjҹандакы сәфири Ричард Морнингстар өлкәмизин вәзиjjәти илә бағлы чох шеjә аjдынлыг ҝәтирди. Мәнә ҝөрә jалныз Азәрбаjҹаны севән, онун нормал инкишафында мараглы олан бир адам бу фикирләри сәсләндирә биләрди. Әслиндә, сәфирә гаршы башланмыш кампаниjа сәбәбсиз деjил. Амма нәзәрә алмаг лазымдыр ки, Морнингстарын дедикләри Азәрбаjҹандакы реал мәнзәрәнин һеч jүздә бири дә деjил. Өлкәдә вәзиjjәт ҹәнаб сәфирин дедикләриндән чох-чох ағырдыр.
Биз һәлә өтән илин jазында Сизин гәзетә вердиjимиз мүсаһибәләрдә, паjызында апардығымыз сечки кампаниjасында бир сыра мәтләбләрә аjдынлыг ҝәтирмишдик вә демишдик ки, Азәрбаjҹан сүрәтлә авторитаризмә доғру ирәлиләjир. 9 октjабр президент сечкиләри jа jумшаг демократиjаjа, jа да jумшаг диктатураjа jол ачаҹаг. Тәәссүф ки, икинҹиси баш верди. Тотал сечки сахтакарлығы шәраитиндә аjры ҹүр ола да билмәзди. Халгдан мандат алмаjан һакимиjjәтин биринҹи һәдәфи өз халгы олур.
Санбалы саjындан бөjүк олан адамлар...



Бу ҝүн Азәрбаjҹан 37-ҹи ил гаjдалары, ән аҹынаҹаглысы исә 37-ҹи ил тәфәккүрү илә идарә олунур. Милләтин сәсинә, бу сәсин ифадәси олан етимадына даjанмаjан һакимиjjәт өз халгындан еһтиjатланмалыдыр, ону аҹ сахламалы, мәзлумлашдырмалы, мүгавимәт һиссини гырмалы, jалтаг сүрүсүнә дөндәрмәли, зүлмә бөjун әjмәjә мәҹбур етмәлидир. Деjирләр полад сынар, амма әjилмәз, Азәрбаjҹанда дахили истифадә үчүн истеһсал олунан полад сынмыр, амма әjилир. Мәһз әjилдиjи үчүн сынмыр. Ирадәсини полад билдиjимиз чохлары бизим “ҝәнҹ” диктаторлуғун әлиндә jумшаг пластилинә чеврилдиләр. Инди һакимиjjәт онлардан истәдиjи фигуру дүзәлдир.
Амма сынмаjанлар, әjилмәjәнләр дә олду. Һәр нә гәдәр аз олсалар да Азәрбаjҹан бинасынын етибарлы даjаглары онлардыр. Инанын ки, ҹәмиjjәтин мәнәви jүкү санбалы саjындан бөjүк олан бу адамларын чиjниндир. Бу гәдәр дөjүлән, сөjүлән, тәһгир едилән милләтин дирилиjи геjд етдиjимиз полад дирәкләрин ичиндән кечир. Мәһз онлар өз гәтиjjәт вә ләjагәтләри илә чохларынын полад һесаб етдиjи Азәрбаjҹан диктаторлуғунун гәддини әjирләр.

Гара мантиjа, jохса садәҹә бир чуха...

Илгар бәjлә Тофиг бәj Шәкидә өз ҹәсарәтләри илә просеси апаран һакимин гара мантиjасынын садәҹә бир чуха олдуғуну, саjмазjана атмаҹалары илә Азәрбаjҹан һакимиjjәтинин бу чухаjа бүрүнмүш “әдаләт” анлаjышыны бүтүн дүнjаjа ҝөстәрә билдиләр. Јадиҝар бәj өз интеллекти вә мәдәниjjәти илә Ләнкәранын ән ишыглы зиjалыларындандыр. Белә бир зиjалыны кимәсә әл галдырмагда сучламаг Азәрбаjҹан һакимиjjәтинин мәдәниjjәт анлаjышына сығмаjан хәстә тәбиәтинин мәһкәмә һөкмләриндә тәҹәлла едән тәзаһүр формасыдыр. Гурбан бәj өз һазырлығы вә дәjанәти илә мүһакимә едилән jох, мүһакимә едән сәвиjjәсинә jүксәлди. О, jалныз просесиндә иштирак едән һакимин, дөвләт иттиһамчысынын, сахта шаһидләрин деjил, бүтөвлүкдә Илһам Әлиjев режиминин башлыҹа даjағы олан сахта һүгуг системинин (әслиндә системсизлиjинин) аҹы мәнзәрәсини ортаjа гоjду. Тале Бағырзадә зүлмә гаршы дирәниши илә тәк фәрдин ләjагәтини деjил, өлкәмизин иман һүдудларында исламын шәрәфини хилас етди. Зүлмү “әдаләт” донунда тәфсир едән, залимә бәраәт газандыран, коррупсиjа гузғунларына сәҹдә едән дин дәллаллары иман базарында чох шеjи сатдылар. Тале өз әгидәсинә, ислам әхлагына, jараданла арасында олан севдасына сәдагәти бахымындан зүлмә ҝөз jуман, сәс оғурлуғуна “һаллаллыг” верән, беjтүлмалы дәдә малы кими һәзмүрабедән кечирәнләрә аз гала ҹәннәт гәбзи верән һаҹыларымыза, кәрбәлаjыларымыза, мәшәдиләримизә өрнәк верди. Вәтәнә хидмәт өрнәjи, дини дәjәрләрә һөрмәт өрнәjи, зүлмә дирәниш өрнәjи.
Н!ДА-чыларын мәнәви вә әхлаги гәләбәси
Бир анлыға диггәт jетирин: диктатураjа гаршы дирәнишләри илә ҝәнҹләр ҹәмиjjәтә jеткинлик нүмунәси вердиләр.
Мән Н!ДА-чылары нәзәрдә тутурам. Һакимиjjәт әлиндә олан бүтүн ресурсларла, тәбиәтиндә олан бүтүн нагисликлә бу 8 ҝәнҹи сындыра билмәди. Онлар мәһкәмәдән мәнәви вә әхлаги гәләбә илә чыхдылар. Бу гәләбәдән сонра онлара 2 ил, 3 ил вә jа 7-8 ил иш верилмәси арасында елә бир фәрг jохдур. Мән деjәрдим ки, Н!ДА-чы ҝәнҹләр Азәрбаjҹанын ән jени тарихинин башланғыҹыны гоjдулар. Онлар jени ҝәнҹлиjин, өлкәни дәjишдирмәк истәjән, азад вә әдаләтли ҹәмиjjәтдә jашамаг истәjән jени нәслин истедадлы, ҹәсарәтли нүмаjәндәләридир. Илһам Әлиjев өз репрессиjа машыны илә онларын үзәринә ҝәлди, анҹаг онлар сәбрлә, тәмкинлә, һәр шеjә дөздүләр, өз һаглылыгларыны сүбут едә билдиләр, режимдән аман диләмәдиләр, әксинә, коррупсиjаjа, рүшвәтә, һәр нөв сахтакарлыға, инсан ләjагәтини алчалдан jалана, шәрә вә бөһтана гаршы амансыз олдулар. Дәмир гәфәсдә Рәшадәт, Рәшад, Заур, Илкин, Үзеjир, Бәхтиjар, Шаһин вә Мәммәд бу өлкәнин ҝәләҹәк саһибләринин давраныш кодексини, ләjагәт моделини, һәjат принсипләрини мүәjjән етдиләр. Һәбс олунанда Шаһинин 17 jашы вар иди. Дүшүнҹәләри дә өзү кими бәркимәмишди, амма нә габа истинтаг һәрәкәтләри, нә дә әдаләт мүһакимәсиндән даһа чох ҹәза фуксиjасыны иҹра едән мәһкәмә просеси ону jолундан дөндәрә билмәди. Рәшадәтин мәһкәмә арашдырмасынын сонундакы чыхышы гос-гоҹа Азәрбаjҹан ҹәмиjjәтиндә 8 ҝәнҹин jеткинлик сәвиjjjәсинин тәгдиматы иди. Бәзиләри деjир ки, бу ҝәнҹләри jох, онлары меjданлара ҝөндәрәнләри һәбс етмәк лазым иди. Гоҹа jашларында да ҝөстәришлә дуруб-отуран бу гафилләр баша дүшмүрләр ки, бу ҝәнҹләр кимдәнсә иҹазә алыб меjданлара чыхмамышдылар, онлары меjданлара чыхаран өлкәнин талеjинә олан мәсулиjjәт һисси, вәтәндашлыг мөвгеjи иди. Онлар өз идеалларына садиг галдылар.

Режимин “уjушдуруҹу” силаһы

Блоҝер ҝәнҹләр, бир сыра журналистләр дә еjни ирадәни нүмаjиш етдирирләр. Белә мүгавимәт һисси һәбс едилән ҝәнҹләримизин jеткинлик сәвиjjәсиндән гаjнагланыр. Инди һәбсханалара хариҹдә тәһсил алмыш, jерли университетләрә jүксәк балла дахил олмуш, тәһсил мүәссисәләрини jүксәк ҝөстәриҹиләрлә битирмиш ҝәнҹләр долдурулур. Шимали Кипрдә тәһсил алан Өмәр Мәммәдов сосиал шәбәкәләрдә фәаллығына ҝөрә наркотика иттиһамына туш ҝәлиб. Әбдүл Әбилов “Јалтаглара дур деjәк” сәһифәсинин идарәчиси олуб вә наркотика васитәси илә долашдырылыб зиндана атылыб. Һәбс олунанда Елсевәр Мүрсәллинин һеч 19 jашы да тамам олмамышды. Хачмаз раjонунун узаг бир кәндиндә jашаjан бу ҝәнҹ Илһам Әлиjевин дәфәләрлә беjнәлхалг форумларда “Азәрбаjҹанда интернет азаддыр” бәjанатына инаныб сосиал шәбәкәләрдә фикир вә мүлаһизәләрини бөлүшмүшдү. Јахшы хатырлаjырам, о, сентjабр аjында “фаҹебоок” үзәриндән мәнә мәктуб jазмыш, 2013-ҹү илин 9 октjабрында илк дәфә сәс верәҹәjини вә бу сәси мәһз мәнә верәҹәjи илә фәхр етдиjини jазмышды. Лакин октjабр аjынын 2-дә имандан узаг олан ДИН-ин наркотикләрә гаршы Баш идарәси Хачмаз полис идарәси илә бирликдә “әмәлиjjат” кечириб аиләси илә бирликдә ишдән гаjыдан бу ҝәнҹин дә ҹибинә наркотика атдылар. Доғрусу сон вахтларын сиjаси һәбсләриндә наркотика башлыҹа аләтә чеврилиб вә бу ҝүн азадфикирлилиjә гаршы мүбаризәдә истәр ДИН-ин, истәрсә дә МТН-нин әсас силаһы мүхтәлиф нөвләрдән олан уjушдуруҹудур. Режим бу ҝүн бүтүн арсеналы илә ҹәбһәчи ҝәнҹләрин ардындадыр, селафона бүкүлмүш бир нечә грамлыг “наркотика паjы” гарабагара онлары изләjир. Кәмалә Бәнәнjарлы илә бағлы баш верәнләр фәрдин һүгугу мәсәләси деjил, милләтин намусу мәсәләсидир. Дөвләт идарәсиндә рәсми мундир ҝеjмиш бирисинин анаjа, баҹыjа, гыза, ҝәлинә әл галдырмасы, ону алчалтмасы, тәһгир етмәси бир ханымын тимсалында иҹтимаи намус анлаjышынын тапданмасыдыр. Бу әхалагсызлыг чағдаш Азәрбаjҹан һәjатынын jени тәзаһүрү, режимин гудузлашмасынын jени симптомларыдыр. Һәлә һеч вахт Азәрбаjҹанда инсанлары һәбс етмәк, тәһгир етмәк, алчалтмаг Илһам Әлиjевин ониллиjиндә олдуғу кими бу гәдәр асан олмамышды.
Верҝи мәнимсәмәси ады алтында өлкәнин сонунҹу сечки мониторинги тәшкилатынын рәһбәри Анар Мәммәдлини тутмаг вә зәрәриндән хәбәри олмаjан адамлары “зәрәрдидә” кими танымаг һүгуг мәсәләси деjил, сечкиләри даһа архаjынлыгла сахталашдырмаға рәваҹ вермәк мәсәләсидир.
Сиjаси мүһитин монополиjасы
Мәнә ҝөрә сон илләрдә сәс-күjлү сиjаси һәбсләр она ҝөрә күтләви һал алды ки, вәтәндашлар онлары идарә едәнләрин натәмиз әмәлләри барәдә даһа чох мәлуматлар әлдә етдиләр. Һакимиjjәт телевизиjаны ниjә тотал шәкилдә нәзарәтдә сахлаjыр. Ҹәмиjjәтин 3 гүтбү вар: һакимиjjәт, мүхалифәт вә иҹтимаиjjәт. Иҹтимаи телевизиjа бунларын jалныз биринҹисинин нәзарәтдиндәдир. Һалбуки, мөвҹуд ганунвериҹилиjә ҝөрә, ҹәмиjjәтин бир һиссәси олан мүхалифәт бу телевизиjанын имканларындан jарарланмалы иди. Телевизиjалара белә тотал нәзарәт ҹәмиjjәти нәзарәтдә сахламағын идеоложи бир ҝөстәриҹисиди, сиjаси мүһитин монополиjасыдыр. Мәсәлән, бу ҝүн сиjаси мәһбус мәсәләсинин ҝерчәк мәнзәрәсини, сәбәбләрини ортаjа гоjан екран әламәти өлкәмиздә мүмкүнсүздүр. Өтән илин jанварында сиjаси мәһбус мәсәләси илә бағлы Штрассерин мәрузәсинин гәбул едилмәмәси коррупсионер Азәрбаjҹан һакимиjjәтинин нәинки өз халгы, еjни заманда инсан һаглары вә демократиjа мәсәләләринә ҹавабдеһ олан Авропа Шурасы үзәриндә дәһшәтли гәләбәси иди. Бу гәрары илә АШПА Азәрбаjҹан һакимиjjәтинә инсан кими jашамаг исәjән, демократиjа истәjән, азад сечки үмидиндә олан вәтәндашы әзмәjә карт-бланш верди...
Cenubnews.com
Диггәт: Хәбәрдән истифадә етдикдә мәнбәjә истинад лазымдыр