Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн мөминләрин әмири, Исламы илк гәбул едән шәхс, әзиз Пеjғәмбәримизин (с.а.) гардашы, Исламын сүтуну, гиjамәтәдәк бүтүн бәшәриjjәтә өндәр олан Һәзрәт Әли (а.с.) мөвлуд ҝүнүдүр. О елә бир даһи шәхсиjjәт олмушдур ки, Аллаһ онун Хәндәк мүһарибәсиндә вурдуғу бир зәрбәни бәшәриjjәтин ибадәтиндән үстүн билмишдир. Һз. Әли (а.с.) мөминләрә гаршы мәрһәмәтли, кафирләрә гаршы исә шиддәтли иди. Илаһи хүсусиjjәтләр онда ҹәм олмушдур. Бүтүн өмрү боjунҹа әмәлләриндә Илаһи ризаjәти өндә тутмуш. Аллаһын әмрләриндән чыхмамыш вә Ислам үчүн малындан, ҹанындан кечмишдир. Кәламларынын һәр бири бәшәриjjәтә дәрс верәҹәк гәдәр тәсирли, сүрдүjү һәjат jолу мөминләрә ниҹат, һагг jолу олараг галмышдыр.
Биз АБНА- Хәбәр Аҝентлиjи каллективи бу мүгәддәс мөвлуд мүнасибәтилә ҹәми мүсәлманлары, һагг ашигләрини вә ән әсасы заманымызын имамы олан Имам Заманы (ә.ф.) тәбрик едирик. Аллаһ һамыныза о инсанын дүнjада зиjарәтин, ахирәтдә исә шәфаәтин нәсиб еләсин.
ИМАМЫН ШӘХСИЈЈӘТИ
Ады: Әли
Ләгәби: Әмирәл-мөминин
Күнjәси: Әбүл-Һәсән
Доғулдуғу тарих: Һиҹрәтдән 23 ил әввәл
Хәлифәлиjи: Һиҹрәтдән 35 ил сонра
Хәлифәлик мүддәти: 5 ил
Өмрү: 63 ил
Шәһадәти: Һиҹри 40-ҹы илдә хариҹиләрдән олан Ыбни Мүлҹәм (л.ә.) адлы бир шәхс тәрәфиндән гәтлә jетирилмишдир.
Мәзары: Ираг, Нәҹәф шәһәри.
ТӘВӘЛЛҮДҮ
Пеjғәмбәрин һиҹрәтиндән 23 ил габаг, ҹүмә ҝүнү Рәҹәб аjынын 13-дә Әбу Талибин аиләсиндә тәкҹә Мәккәjә деjил, бүтүн дүнjаjа нур сачан мүбарәк бир ушаг дүнjаjа ҝәлди.
Бу тәвәллүд һаггында Мәккә әһалисиндән Гунәб адлы бириси белә деjир: Аббас илә отурмушдуг ки, бирдән әсәд гызы Фатимәнин санҹы чәкәрәк Кәбәjә тәрәф ҝетдиjини ҝөрдүк. О белә деjирди:
«Еj Аллаһым! Сәнә вә пеjғәмбәринә инанырам. Сәнин әмринлә бу еви тикән пеjғәмбәрин (Ибраһимин), еләҹә дә бәтнимдәки ушағын иззәти һөрмәтинә бу көрпәнин дүнjаjа ҝәлиши әзиjjәтини мәним үчүн асан ет».
Елә һәмин андаҹа Аллаһ евинин jарылараг, Фатимәнин ораjа ҝирмәсини даһа сонра исә диварын бир-биринә jахынлашараг битишиб бағланмасыны өз ҝөзләримизлә ҝөрдүк. Һамымыз горхудан титрәjирдик. Даһа сонра аjаға галхдыг вә сүрәтлә Кәбәjә сары гачдыг ки, гапыны ачыб арвадларымызы Фатимәjә көмәк етмәк үчүн ичәри ҝөндәрәк. Амма нә гәдәр чалышдыгса гапыны ача билмәдик. Бу гәрибә хәбәр чох сүрәтлә Мәккәнин һәр тәрәфинә jаjылдыгда һамы бундан һеjрәтләнди. Мәккә гадынлары Фатимә илә ҝөрүшү һәjәҹанла ҝөзләjирдиләр. Нәһаjәт дөрд ҝүндән сонра Фатимә гуҹағында ҝөзәл бир ушагла Кәбәдән баjыра чыхыб деди:
«Аллаһ гадынлар арасында мәни сечди, Онун евиндә икән мәним үчүн ҹәннәт хөрәкләриндән вә меjвәләриндән ҝөндәрди».
Һәзрәт Фатимә евинә доғру ҝедән заман әтрафына jығышан гадынларын «ушағын адыны нә гоjаҹагсан?» - деjә вердикләри суала белә ҹаваб верди: «Аллаһын һәрәминдә әjләшдиjим вахт наҝаһан сәс ешитдим: ушағын адыны Әли гоj».
Бәли һаггында данышдығымыз Һәзрәт Әли әлеjһиссаламдыр. О, үлви шәхсиjjәт көрпәлик вә ушаглыг дөвраныны тәмиз, пак бир шәкилдә баша вурду. Неҹә ки, һәзрәтин өзү дә бу барәдә «Нәһҹул-бәлағә»дә белә буjурур:
«Ушаглығымда Пеjғәмбәр (с) мәни гуҹағына алыб көксүнә сыхар вә jемәjи чеjнәjиб ағзыма гоjарды».
Диггәт: Хәбәрдән истифадә етдикдә мәнбәjә истинад лазымдыр
Cenubnews.com
