Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бакыда сәфәрдә олан Франса президенти Франсуа Олландын Сүлһ вә Демократија Институтунун директору, ермәниләрин хејринә ҹасуслугла бағлы галдырылмыш ҹинајәт ишиндә ады кечән Лејла Јунусла һарада вә нә вахт ҝөрүшәҹәји ачыгланыб.
Бу һагда хәбәри Лејла Јунус Франса Бејнәлхалг Радиосуна (Радио Франҹе Интернатионал-РФИ) дејиб.
Әслиндә Лејла Јунусла ҝөрүш Франсуа Олландын рәсми сәфәр програмына дахил едилмәјиб. Вә сон ана гәдәр Лејла Јунусун Ф.Олландла ҝөрүшүб-ҝөрүшмәјәҹәји дәгиг дејилди.
Лакин Лејла Јунус РФИ-јә ачыгламасында дејиб ки, ҝөрүш сабаһ - мајын 12-дә ҝүнорта Франса сәфирлијинин бинасында баш тутаҹаг. Л.Јунус билдириб ки, һазырда азадлыгда галмағына ҝөрә шәхсән Франсуа Олланда борҹлудур.
“Мән бу ҝөрүшә ҝөрә она бөјүк миннәтдарлыг ифадә етмәк истәјирәм, бу, мәним үчүн бөјүк шәрәфдир. Әминәм ки, бу ҝүн азадлыгда олмағым вә апрелин 29-дә һәбсханаја ҝөндәрилмәмәјим мәһз бу ҝөрүшә ҝөрәдир. Мәним адым Азәрбајҹан рәсмиләринә Франса президентинин ҝөрүшәҹәји шәхсләрдән бири олараг тәгдим едилмишди” - дејә Л.Јунус билдириб.
Виртуалаз.орҝ
Диггәт: Хәбәрдән истифадә етдикдә мәнбәјә истинад лазымдыр
