Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран ХИН: Азәрбаjҹан президентинин Ирана рәсми сәфәри уғурлу олуб
Азәрбаjҹан президенти Илһам Әлиjевин Ирана рәсми сәфәри уғурлу олуб.
буну Иран Хариҹи Ишләр Назирлиjинин сөзчүсү Мәрзиjә Әфхәм бу ҝүн Теһранда jерли вә хариҹи журналистләр үчүн кечирдиjи брифингдә билдириб.
Онун сөзләринә ҝөрә, Азәрбаjҹан президентинин Ирана сәфәри илә ики өлкә арасында достлуг вә әмәкдашлыг jени мәрһәләjә гәдәм гоjуб: “Сәфәр заманы Иран вә Азәрбаjҹан арасында әввәлкиләрдән даһа чох игтисадиjjат саһәсиндә икитәрәфли әмәкдашлыгла бағлы разылашмалара даир ҹидди мүзакирәләр апарылды. Тәбии ки, Иран президенти Һәсән Руһанинин дә иш програмында Азәрбаjҹан сәфәр етмәк мәсәләси вар. Иран вә Азәрбаjҹан президентләринин гаршылыглы сәфәрләри әлагәләрин ҝенишләнмәси вә мүһүм разылашмаларын әлдә олунмасы үчүн бөjүк ҹидди-ҹәһддир. Руһанинин сәфәри мүтләг ики өлкә үчүн фаjдалы олаҹаг”.
М.Әфхәм һәмчинин деjиб ки, Азәрбаjҹанын мүдафиә назири, ҝенерал-полковник Закир Һәсәновун Ирана сәфәринин президентин сәфәриндән бир һәфтә сонра һәjата кечирилмәси дә сон дәрәҹә өнәмлидир: “Бу, ики өлкә арасында әлагәләрин даһа да jахшылашмагда олдуғуну ҝөстәрир. Бу әлагәләр Иран вә Азәрбаjҹанын бир-бири илә әмәкдашлыг етмәк үчүн кечмишдәкиндән даһа чох jүксәк һәдәфләр ҝүдмәсинин сүбутудур”.
Диггәт: Хәбәрдән истифадә етдикдә мәнбәjә истинад лазымдыр
APA.AZ
