Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Вәкил Анар Гасымлы һәбсдә олан АИП лидери Мөвсүм Сәмәдов вә партиjа функсионери Руфуллаһ Ахундзадә илә ҝөрүшүб. Бу барәдә Faktxeber.cоm-а Анар Гасымлынын өзү мәлумат вериб.
Вәкилин сөзләринә ҝөрә, Мөвсүм Сәмәдов өтән һәфтә 11 саjлы ҹәзачәкмә мүәссисәнин дуруму илә бағлы jаjдығы мәлуматдан сонра ону Гобустан гапалы һәбсханасына ҝөндәриләҹәjи илә бағлы һәдәләjибләр: “Һәбсханадакы мәлум дурумла бағлы Мөвсүм Сәмәдов бир нечә мүддәт бундан өнҹә мәнә мәлумат вермишди. Һәмин дөврдә үмуми вәзиjjәти вә Мөвсүм Сәмәдовун мүәjjән тәзjигләрә мәруз галма вә карса салынма еһтималларыны нәзәр алараг бәjанаты jаjмамаг гәрарына ҝәлмишдик. Лакин Мөвсүм Сәмәдов вәзиjjәтин ҝүнү-ҝүндән писләшдиjини вә мәһбусларын һәjатларынын тәһлүкә илә үз-үзә галдығыны нәзәрә алараг, өз шәхси тәһлүкәсизлик баһасына олса да белә мәлумат jаjмаг гәрарына ҝәлиб. Сөзүҝедән мәлумат jаjылдыгдан сонра Мөвсүм Сәмәдова гаршы нәзарәт даһа да ҹиддиләшиб вә ону “крытыjа” һазырладыглары барәдә исмарыш ҝөндәрибләр. Мөвсүм Сәмәдов баш верәнләрә ҝөрә әсла нараһат деjил вә билдириб ки, бизим үчүн зинданын һеч бир фәрги jохдур.”
Вәкил ону да билдирди ки, АИП лидеринин ҹәзачәкмә мүәссисә илә бағлы мәлуматы jаjдыгдан сонра аидиjjәти гурумлар тәрәфиндән мүәjjән jохланышлара старт верилиб.
Руфуллаһ Ахундзадә илә ҝөрүшдүjүн вә мүвәккилинин сәһһәтиндә jенидән проблемләрин олдуғуну сөjләjән Анар Гасымлы, “Р. Ахундзадә jенидән мүалиҹә мүәссисәсинә көчүрүлмәсинә истәjир вә бунунла бағлы һәбсхана рәһбәрлиjинә мүраҹиәт едиб”- деjә билдирди.
CenubNews.com
Диггәт: Хәбәрдән истифадә етдикдә мәнбәjә истинад лазымдыр
