Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Мисирин сәләфи “Нур” партиjасынын шеjхләриндән олан Јасир Бурһами “анасалафj.ҹом” адлы саjтында Ислама зидд фәтва jаjымлаjыб.
О билдириб ки, бир кишинин һәjат jолдашыны зорлаjарларса вә әринин бу ишә мүдахиләсилә һәjаты тәһлүкәjә дүшәрсә, әр тәҹавүз едән шәхсә мүдахилә етмәмәси динә ҝөрә ҹаиздир (иҹазәлидир): “Арвады зорланан киши, пул үчүн соjғуна мәруз галан шәхс кимидир вә бу һалда гадыны мүдафиә етмәк вә jа гаршысындакы шәхси зәрәрсизләшдирмәк мәҹбуриjjәтиндә деjил”.
Бу фәтва Мисирин сүнни иҹмасы тәрәфиндән тәнгид атәшинә тутулуб.
“Әл Әзһәр”ин кечмиш алимләриндән олан Шеjх Әли Әбу Һәсән Бурһаминин бу фәтвасыны “Ислама зидд” адландырараг, һәр бир гадынын горунмасынын әри вә jахын гоһумларынын үзәриндә олдуғуну билдириб.
Мәһәммәд Әл Ҹунди адлы сүнни алим дә, Бурһамини тәнгид едәрәк “бу шәхсин фәтвасынын дәлили jохдур” деjиб. Анҹаг Бурһамини мүдафиә едәнләр дә тапылыб.
Вәһһабиләрин диҝәр өндә ҝәлән шеjхләриндән олан Шеjх Әли Хатәм деjиб: "Әр әҝәр әмин олса ки, һәjат jолдашыны мүдафиә едә биләҹәк, онда етмәлидир. Лакин мүдафиә едәркән өлдүрүлмә тәһлүкәси варса нә етмәлидир? Өлдүрүлсүнмү? Белә олан тәгдирдә, кишиjә иҹазә верилир ки, өз геjрәтини горумаг вә jа өз ҹанындан кечмәмәк үчүн сечимини етсин".
Хатырладаг ки, Түркиjәдә бәзи вәһһаби порталлары да бу фәтваны тәнгид едәрәк jаjымлаjыблар.
Диггәт: Хәбәрдән истифадә етдикдә мәнбәjә истинад лазымдыр
İslamazeri.az
