Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мәһәммәд Ҹавад Зәриф: “Иранын һәрби доктринасында нүвә силаһына jер jохдур”
“Нүвә данышыгларында ракет мөвзусу һеч бир шәкилдә мүзакирә едилмәjиб, едилмәjәҹәк дә”
буну Иран хариҹи ишләр назири Мәһәммәд Ҹавад Зәриф апрелин 27-дә Теһранда австриjалы һәмкары илә кечирдиjи брифингдә билдириб.
Онун сөзләринә ҝөрә, Иранла “алтылыг” өлкәләри арасында әлдә олунмуш разылашмаjа әсасән, данышыгларда нүвә мәсәләсиндән кәнар мөвзу мүзакирә едилмир: “Мүзакирәләрин мәгсәди Иранын динҹ мәгсәдли нүвә програмыдыр. Бу програм һәмишә сүлһ мәгсәдли олуб, белә дә галаҹаг. Һеч кәс Иран ракетләринин нүвә башлыглары дашыдығыны иддиа едә билмәз. Чүнки Иран ракет вә jа диҝәр васитәләрин үзәриндә jерләшдирилә биләҹәк нүвә силаһы истеһсал етмир. Әслиндә, бу ҹүр иддиаларын һеч бир әсасы jохдур вә мәсәләнин һәллинә дә көмәк етмир”.
М. Ҹ. Зәриф деjиб ки, Иранын нүвә програмы һәрби маһиjjәт дашымыр: “Нүвә силаһы һеч кәсин тәһлүкәсизлиjинә зәманәт вермир, вермәjәҹәк дә. Дүнjамыз вә бөлҝәмиз jалныз нүвә силаһындан тәмизләндиjи ҝүн даһа тәһлүкәсиз олаҹаг. Бу бизим мөвгеjимиздир. Иранын али дини лидери дә нүвә силаһыны вә күтләви гырғын силаһларыны гадаған едиб, бу мөвге стратеҝиjамыздыр. Бизим һәрби доктринамызда да нүвә силаһына jер jохдур. Анҹаг өзүмүзә мәхсус олан хеjли мүдафиә програмларымыз вар вә биз онлара һәр һансы мүдахиләjә иҹазә вермәjәҹәjик”.
Диггәт: Хәбәрдән истифадә етдикдә мәнбәjә истинад лазымдыр
APA.az
