Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, шам вә хофтән намазларындан сонра Мүгәддәс Гум шәһәриндә јерләшән Ханым Мәсумәнин (сәламуллаһи әлејһа) һәрәминдә Шиә Аләминин Али Тәглид Мәрҹәләриндән бири олмуш, Ајәтуллаһ Узма Сејјид Муһәммәд Рза Ҝүлпәјганинин аным мәрасими кечирилиб.
Мәрасимдә бир сыра Али Тәглид Мәрҹәләри, о ҹүмләдән Ајәтуллаһ Узма Ҝирами, Ајәтуллаһ Сафи Ҝүлпәјгани, Ајәтуллаһ Сејјид Әләви Гургани, Имам Хаменеи ҹәнабларынын баш офисинин рәһбәри Ајәтуллаһ Ҝүлпәјгани, Үмүмдүнја Әһли Бејт (әлејһимус сәлам) Ассамблејасынын Баш Катиби Һөҹҹәтүл Ислам вәл Мүслимин Муһәммәд Һәсән Әхтәри, Гумун мүвәггәти Имам Ҹүмәси Ајәтуллаһ Әмини, Ислам Үләмалары, Дини тәләбәләр вә иҹтимаијјәтин мүхтәлиф тәбәгәләринин нүмајәндәләри јахындан иштирак етмишләр.
Гејд едәк ки, мәрһум Ајәтуллаһ Муһәммәд Рза Ҝүлпәјгани һиҹри гәмәри тарихи илә 1316-ҹы илдә (милади тарихи илә 1897-ҹи илдә) зил-Гәдә ајынын 8-и Ҝүлпәјган вилајәтинин Ҝуҝед мәнтәгәсиндә, али савадлы диндар аиләдә дүнјаја ҝөз ачмышдыр. Атасы мәрһум Сејјид Муһәммәд Багир Мәсҹидин Имамы, али савадлы Дин Алими, тәгва вә зөһд әһли олмуш вә даим Әмр бе Мәруф вә Нәһј әз Мүнкәр мәсәләсиндә өндәр олдуғу дејилир.
Мәрһум Ајәтуллаһ Муһәммәд Рза Ҝүлпәјгани илк ибтидаи тәһсилини Ајәтуллаһ Муһәммәд Тәги Ҝуҝедидән алдыгдан сонра Ајәтуллаһ Сејјид Муһәммәд Һәсән Хансари, Ајәтуллаһ Һаҹ Шејх Әбдүл Кәрим Һаири Јәзди, Ајәтуллаһ Сејјид Әһмәд Хансари, Ајәтуллаһ Мирзаи Наини вә Ага Сејјид Әбүл Һәсән Исфәһанидән дәрс алмыш вә иҹтиһад дәрәҹәсинә чатмышдыр.
Ајәтуллаһ Муһәммәд Рза Ҝүлпәјганинин (ризвануллаһи тала әлејһ) Фигһ елминдә тәлиф етдији китаблардан ашағыдакылары мисал ҝәтирмәк оплар:
1 – Китабул Һәҹҹ (Һәҹҹ һаггда јазылмыш әсәри, үч ҹилддән ибарәтдир.)
2 - әл-Һидајә илә мән ләһу вилајә (Вилајәт Фәгиһ һагда јазылмы әсәри.)
3 – Китабул Гәза (Ислам Мәһкәмәси һаггда јазылмыш әсәри, ики ҹилддән ибарәтдир.)
Мәрһум Ајәтуллаһ Муһәммәд Рза Ҝүлпәјгани бөјүк Ислам Алими олмагла јанашы һәм дә мүҹаһид бир руһани иди. О, Имам Хомејни (ризвануллаһи тала әлејһ) һәзрәтләринин башчылығы илә һиҹри шәмси тарихи илә 1341-ҹи милади тарихи илә 1962-ҹи илдә гејрилегал падшаһлыг режиминә гаршы мүбаризәјә галхмыш вә бу јолда әлиндән ҝәләни әсирҝәмәмишдир. Онун ҝөрдүјү ишләрдән бир нүмунә кими олараг Рза шаһ вә баш назир илә ҝөрүшдән имтина етмәси олуб.
Нәһајәт Ајәтуллаһ Ҝүлпәјгани бәрәкәтли өмрүнүн 96 јашында, 1372-ҹи ил 18 Азәр ајында (милади тарихи илә 1993 –ҹү ил, декабр ајынын 9-у.) фани дүнја илә видалашараг бүтүн Шиә аләмини матәмә гәрг едир.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
