Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Гафгаз Мүсәлманлары Идарәсиндә Газиләр шурасынын иҹласы кечирилиб.Сәсвермә jолу илә jени газиләр вә сәлаһиjjәтли нүмаjәндәләр сечилиб. Бүтүн Гафгазын Шеjхи Һаҹы Аллаһшүкүр Пашазадә сон дөврләр ҝөрүлән ишләр барәдә мәрузә илә чыхыш едиб.
Шеjх билдириб ки, вәһһабилиjә вә радикаллыға гаршы 50 миндән артыг китаб чап едиләрәк иҹтимаиjjәт арасында, һәмчинин вәзифәли шәхсләрә, полисләрә, иҹра башчыларына, ағсаггаллара паjланыб. Вәһһаби ҹәрәjаны китабында доғру истигамәтин, һаггjолунун һансы олдуғу изаһ едилиб. Бүтүн Гафгазын Шеjхи ахунд вә газиләри радикаллыға гаршы мүбаризәдә фәал олмаға, моизә вә хүтбәләриндә тәблиғат ишләринә диггәт jетирмәjә чағырыб.
Бүтүн Гафгазын Шеjхи Һаҹы Аллаһшүкүр Пашазадә: “Бизим ахундларымызы газиләримиз елми шуранын үзвләри бир аз фәал олсунлар, горхмасынлар. Әҝәр мәнәмсә мән дә сизә деjирәм, һәр һансы бир гүввә истәр дин jолунда, истәр шиә, истәр сүнни олсун, истәр тәкфирчи олсун, истәр вәһһаби олсун, истәр нурчу олсун вә башга тәригәтләр, әҝәр бунлар Азәрбаjҹанда радикал формада мәним дөвләтим вар, мәним гәрарым вар, әҝәр белә радикал гүввәләр тәблиғат апараҹагса, бизим борҹумуз вә бурда отуранлар һәр биринин борҹудур, ҹавабдеһлик дашыjыр. Бунларын гаршысында әjилмәмәк сизин арханызда дөвләт вар, Азәрбаjҹан дөвләти вар, Азәрбаjҹан ганунлары вар".
Топлантыда һәмчинин сон заманлар гида мәһсулларынын һалаллығы илә бағлы иҹтимаиjjәти марагландыран мәсәлә мүзакирә олунуб. Билдирилиб ки, һалаллыг сырф шәриәт сәҹиjjә дашыjан мәфһум олдуғундан дини мәркәзин рәjи ваҹибдир.
Диггәт: Хәбәрдән истифадә етдикдә мәнбәjә истинад лазымдыр
İSLAMAZERİ.AZ
