Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ГМИ-дә һалал гида мәһсуллары истеһлакчыларынын һагларынын горунмасы илә бағлы Ишчи Групу jарадылыб
Бу ҝүн Гафгаз Мүсәлманлары Идарәсинин (ГМИ) Газылар Шурасынын иҹласы кечирилиб. ГМИ-нин мәтбуат хидмәтиндән верилән мәлумата ҝөрә, ГМИ Газылар Шурасынын үзвләри вә Идарәнин сәлаһиjjәтли нүмаjәндәләринин иштиракы илә кечирилән топлантыда Шуранын сәдри, Шеjхүлислам Аллаһшүкүр Пашазадә мәрузә илә чыхыш едиб.
А. Пашазадә Газылар Шурасынын сон топлантысындан өтән дөвр әрзиндә ҝөрүлмүш ишләр барәдә мәлумат вериб, Шуранын фәалиjjәтинин тәкмилләшдирилмәси истигамәтиндә өз фикир вә төвсиjәләрини сәсләндириб.
Иҹласда сон заманлар гида мәһсулларынын һалаллығы илә бағлы Азәрбаjҹан иҹтимаиjjәтини марагландыран мәсәлә дә мүзакирә олунуб. Дин хадимләринин чыхышларында бу мәсәләjә даир ачыгламалар верилиб. Билдирилиб ки, һалаллыг сырф шәри сәҹиjjә дашыjан мәфһум олдуғундан, бунунла бағлы дини мәркәзин рәjи ваҹибдир вә Азәрбаjҹан диндарларынын чохсаjлы мүраҹиәтләриндә jер алан нараһатлығын арадан галдырылмасы ГМИ-нин Низамнамәси илә тәсбит едилмиш вәзифәсидир.
Индиjәдәк “САБ” ширкәтинин мәһсулларына һалаллыгла бағлы зәманәтин верилдиjини диггәтә чатдыран ГМИ нүмаjәндәләри ҝәләҹәкдә мүвафиг дөвләт гуруму илә мүштәрәк фәалиjjәтин һәjата кечириләҹәjи тәгдирдә һалал гида мәһсуллары истеһлакчыларынын һагларынын горунмасынын мүмкүн олаҹағыны вурғулаjыблар. Һалаллыг зәманәтинин верилмәси илә әлагәдар ГМИ нәздиндә дин хадимләриндән ибарәт хүсуси Ишчи Групун jарадылмасы гәрара алынды. Газы Фаиз Наҝызадә башда олмагла 5 нәфәрдән ибарәт һәмин групун фәалиjjәт истигамәтләри вә вәзифәләри мүәjjәнләшдирилиб.
Комиссиjанын тәркибинә ГМИ сәдринин мүавини Фуад Нуруллаһ, газы Мәһәммәд Гулиjев, Шаһин Һәсәнли, ГМИ-нин әмәкдашлары Шамил Рәсулов, Мирнәсир Нағыjев дахил едилибләр.
Иҹласда, һәмчинин мәсҹидләрдә охунан моизә вә хүтбәләрин сәвиjjәсинин даһа да jүксәлдилмәси, дини-мәнәви, милли дәjәрләримизин даһа дәриндән тәблиғи вә тәшвиги истигамәтиндә ишләрин давам етдирилмәси зәрурәти хүсуси вурғуланыб. Чыхыш едән Мүфти Салман Мусаjев ГМИ Газылар Шурасынын сәдри Шеjхүлислам Аллаһшүкүр Пашазадәнин бөлҝәләрә сәфәрләринин олдугҹа ваҹиб әһәмиjjәт дашыдығындан данышыб, бу сәфәрләрин давам етдириләҹәjини билдириб.
Иҹласда бөлҝәләрдә апарылан маарифләндирмә ишләринин өнәми хүсуси вурғуланыб.
Иҹлас иштиракчылары өз чыхышларында ГМИ Газылар Шурасынын бу илин jанвар аjында верилмиш Фәтвасынын диндарлар арасында бөjүк әкс-сәда доғурдуғуну хүсуси вурғулаjыблар.
Диггәт: Хәбәрдән истифадә етдикдә мәнбәjә истинад лазымдыр
APA.AZ
